PÅ OMSORGSSENTERET: Stjernereiso barnehage gledde dei eldre på omsorgssenterer med song på Luciadagen.
PÅ OMSORGSSENTERET: Stjernereiso barnehage gledde dei eldre på omsorgssenterer med song på Luciadagen.

Gledde dei eldre på omsorgssenteret

Nærare 40 barnehageborn frå Stjernereiso barnehage gledde dei buande på omsorgssenteret med både song og heimebakst på Luciadagen.
Publisert 13.12.2019 kl. 20.56.

Dei hadde øvd inn eit langt songrepertoar på førehand. I storstova på det nye omsorgssenteret framførte dei songane, ein etter ein, etter at dei kom marsjerande framover i lokalet. Fremst i proesjonen kom borna Olav, Emmy og Maren.

Fyrst fekk me høyra Santa Lucia-songen, så gjekk det slag i slag. «Jeg gikk meg over sjø og land», «Jul med din glede», «På låven sitter nissen», «Tenn lys» og peparkakesongen var nokre av songane dei framførte framføre eit lydhøyrt publikum.

Dei eldre viste at dei sette pris på besøket. Borna fekk fin klapping etter framføringane.

Som avslutning hadde borna med seg heimebaka luciabollar som dei gav til dei eldre i salen.

– Det har vore tradisjon i Stjernereiso barnehage i mange år at me markerer Luciadagen, fortel pedagogisk leiar Torunn Espevik.

Dagen starta dei med frukost i lag med foreldre. Turen frå barnehagen til omsorgssenteret gjekk til fots.

Torunn fortel at dei har øvd godt og lenge på songane. Framføringa på omsorgssenteret er ikkje den einaste. Sist veke var dei på julevandring i Uggdal kyrkje. Ein nissemarsj står og på programmet.

– For oss er det kjekt å koma ut. Og så veit me at dei eldre set pris på at me kjem. Det er kjekt å gleda dei, seier Torunn.

Tre-, fire- og femåringar i tre avdelingar i Stjernereiso var med på framføringa.





PROSESJON: Borna kom i prosesjon i lag med pedagogisk leiar Torunn Espevik framover i lokalet. I front borna Olav, Emmy og Maren.
PROSESJON: Borna kom i prosesjon i lag med pedagogisk leiar Torunn Espevik framover i lokalet. I front borna Olav, Emmy og Maren.
FLINKE: Flinke born i lag med barnehagetilsette gledde dei frammøtte på omsorgssenteret.
FLINKE: Flinke born i lag med barnehagetilsette gledde dei frammøtte på omsorgssenteret.
NØGDE PUBLIKUMARAR: Dei eldre likte det dei fekk sjå og høyra, og takka for framføringa med god klapping.
NØGDE PUBLIKUMARAR: Dei eldre likte det dei fekk sjå og høyra, og takka for framføringa med god klapping.
HEIMEBAKST: Med seg til omsorgssenteret hadde barnehagen også luciabollar som dei delte ut til dei frammøtte i salen.
HEIMEBAKST: Med seg til omsorgssenteret hadde barnehagen også luciabollar som dei delte ut til dei frammøtte i salen.

Siste saker Gå til framsida

Frå barnehage til militæret

Sjurd Sandvik Pedersen hadde eit halvt års ventetid mellom vidaregåande og militæret. Det enda med vikarjobb i Lunde barnehage.