TIL TYSNES: Vinskvetten skal spela to gongar under Tysnesfest 2020. (Pressefoto)
TIL TYSNES: Vinskvetten skal spela to gongar under Tysnesfest 2020. (Pressefoto)

Vinskvetten til Tysnesfest

Publisert 19.12.2019 kl. 08.24. Oppdatert kl. 08.26.

Bjørn Jensen er fast gjest på Tysnesfest. Neste år tek han derimot med seg heile Salhus Vinskvetten både til Gjerstad og Bermudateltet. Det er fyrste gongen Vinskvetten tek turen til festivalen.

Dagleg leiar i Tysnesfest, Øystein Vaage, er strålande nøgd med at han endeleg får gruppa til Tysnes.

– Me har prøvd i alle år, men festivalen vår har vanlegvis kollidert med ferien til Belberten, fortel Vaage.

Belbert, også kjend som Arild Totland, er altså trommeslagar i bandet.

Salhus Vinskvetten vart stifta heilt tilbake i 1975, og er kjend for låtar som «Dans på Grasdal», «Rånny Bruvik» og «Fergebilletøren». Mykje av låtmaterialet handlar om livet i Råthåla, Miladalen og på Ullaloftet.

Vinskvetten ga tidlegare i år ut sitt sjuande studioalbum med tittelen «Dei fem UimotSlåelige», og har i haust hatt showet «Mysteriet på Ullaloftet» gåande på Rick’s i Bergen.

Vaage opplyser at gruppa fyrst skal spela på Gjerstad torsdagen, før dei speler i Bermudateltet dagen etterpå.


Siste saker Gå til framsida

Rentekutt frå 8. april

Tysnes Sparebank set ned renta på utlån med inntil 0,6 prosentpoeng. For eksisterande kundar gjeld ny rente frå 8. april 2020.

Lesarinnlegg angåande dette koronaviruset

Synest det blir i mestelaget med «skremselspropaganda» no for tida. Eg er så gamal at eg hugsar kor klok den gamle kyrkjebøna var: «Fri oss frå pest og hunger. Gje oss godt og tenleg vêr. Fri oss frå ein vond og brå død. Vêr hos dei som strir med døden. Men så fann dei på at me behøvde ikkje be om det, for penicillinet var kome, og den drepte alle bakteriar. Ja, straks etter dei forandra på...