FLINK GJENG: Elevane ved Uggdal skule gjennomførte torsdag nok ein underhaldande julekonsert.
FLINK GJENG: Elevane ved Uggdal skule gjennomførte torsdag nok ein underhaldande julekonsert.

Høg sjarmfaktor, som alltid

I ei stappfull kyrkje sytte elevane frå Uggdal skule for rikelege mengder julestemning.
Publisert 20.12.2019 kl. 12.57. Oppdatert kl. 14.12.

«Kjente og kjære» var tittelen på julekonserten som fann stad i Uggdal kyrkje torsdag kveld. Etter fleire år med musikalar og imponerande skodespel, baud Uggdal skule denne gongen på ein litt meir tradisjonell konsert, der både eigne og innlånte solistar bidrog til eit fint avbrekk i julestria.

Dei rutinerte songfuglane Øyvind Kleppe og Louise Vermedal Lunde gjorde begge comeback, og programleiar Herman Lunde Klemmetsby kunne med glimt i auga slå fast at ein blir dyktig av å vera elev på Uggdal skule.

– Lærarane er ikkje så verst dei heller, sa Jessica Teigland Iversen, den andre parten av programleiarduoen.

Ho sikta med det til Jenny Kjellevold, som blant anna song «Når Himmelen Faller Ned», og til liks med dei andre solistane hausta stor applaus. Tysnes-organist André Eide hadde fint akkompagnement på piano gjennom konserten.

Det alltid så flinke skulekoret varta mellom anna opp med «Det lyser i stille grender», «Soon and very soon» og «Tenn lys». Og då konserten nærma seg slutten, vart publikum oppfordra til å stemma i på «Deilig er jorden».

– Deilig er jorda og deilig er senga, spøkte programleiar Herman etterpå, og minna om at det snart var leggetid.

Då passa det perfekt å avslutta med «Godnattsang for nisseunger», der Thea Aase Bakkane var solist.

Alt i alt ein flott og stemningsfull konsert, der ikkje alt gjekk heilt knirkefritt, men der elevane tok igjen på sjarm der det trongst!


LYSTENNING: Innleiingsvis las Marie Haugland opp dikt, medan Steffen Instøy Kleppe tende adventsljosa.
LYSTENNING: Innleiingsvis las Marie Haugland opp dikt, medan Steffen Instøy Kleppe tende adventsljosa.
HUMORISTISKE: Programleiarane Herman Lunde Klemmetsby og Jessica Teigland Iversen kom med mange artige replikkar.
HUMORISTISKE: Programleiarane Herman Lunde Klemmetsby og Jessica Teigland Iversen kom med mange artige replikkar.
INNLÅNTE: Både Louise Vermedal Lunde (t.v.), Øyvind Kleppe og Jenny Kjellevold bidrog med nydelege tonar på konserten.
INNLÅNTE: Både Louise Vermedal Lunde (t.v.), Øyvind Kleppe og Jenny Kjellevold bidrog med nydelege tonar på konserten.
SOLISTAR: Andrea Aasheim Skaten (t.v.), Elina Aarvik Sjøbø-Borgen og Erle Gaugstad Birkeland song "Himlen i min favn".
SOLISTAR: Andrea Aasheim Skaten (t.v.), Elina Aarvik Sjøbø-Borgen og Erle Gaugstad Birkeland song "Himlen i min favn".
HEILE KORET: Elevane var tradisjonen tru kledde i finstasen, og tok seg godt ut i kyrkja.
HEILE KORET: Elevane var tradisjonen tru kledde i finstasen, og tok seg godt ut i kyrkja.
TRE GODE VENNER: Sofie Lunde (t.v.) Tina Annabelle Ekdahl og Elsa Anna-Rosa Sjøvold med si framføring av «I en natt».
TRE GODE VENNER: Sofie Lunde (t.v.) Tina Annabelle Ekdahl og Elsa Anna-Rosa Sjøvold med si framføring av «I en natt».
BALLERINAER OG NISSAR: Framme frå venstre: Elsa Anna-Rosa Sjøvold, Adele Flatråker Siglevik, Erle Gaugstad Birkeland, Linnèa Emilie Frøyseth Olsen og Tina Annabelle Ekdahl. Bak frå venstre:  Ruben Jankov Heggland, Jostein Hatteberg og Ole Hauge-Hansen.
BALLERINAER OG NISSAR: Framme frå venstre: Elsa Anna-Rosa Sjøvold, Adele Flatråker Siglevik, Erle Gaugstad Birkeland, Linnèa Emilie Frøyseth Olsen og Tina Annabelle Ekdahl. Bak frå venstre: Ruben Jankov Heggland, Jostein Hatteberg og Ole Hauge-Hansen.
LEGGETID: Konserten blei avslutta med ein koseleg godnatt-song. Thea Aase Bakkane var solist, og Lukne Sauseryte spelte trøytt nisseunge.
LEGGETID: Konserten blei avslutta med ein koseleg godnatt-song. Thea Aase Bakkane var solist, og Lukne Sauseryte spelte trøytt nisseunge.

Siste saker Gå til framsida

Rentekutt frå 8. april

Tysnes Sparebank set ned renta på utlån med inntil 0,6 prosentpoeng. For eksisterande kundar gjeld ny rente frå 8. april 2020.

Lesarinnlegg angåande dette koronaviruset

Synest det blir i mestelaget med «skremselspropaganda» no for tida. Eg er så gamal at eg hugsar kor klok den gamle kyrkjebøna var: «Fri oss frå pest og hunger. Gje oss godt og tenleg vêr. Fri oss frå ein vond og brå død. Vêr hos dei som strir med døden. Men så fann dei på at me behøvde ikkje be om det, for penicillinet var kome, og den drepte alle bakteriar. Ja, straks etter dei forandra på...