POPULÆRE: Andre Eide og Adele Erichsen hausta ståande applaus etter julekonserten i Tysnes kyrkje laurdag kveld.
POPULÆRE: Andre Eide og Adele Erichsen hausta ståande applaus etter julekonserten i Tysnes kyrkje laurdag kveld.

Fekk ståande applaus etter vakker julekonsert

– Det var heilt fantastisk. Ja, heilt utruleg. Dette kan me leva på lenge, seier dei fire svenske og finske sjukepleiarane som var blant publikum på julekonserten i Tysnes kyrkje laurdag kveld.
Publisert 22.12.2019 kl. 08.49.

Dei fire som jobbar på omsorgsenteret og i heimesjukepleien i Tysnes, fekk ei oppleving som dei seint vil gløyma.


Fekk fram julekjensla

– Konserten fekk fram julekjensla hos oss. Dette er det beste me har vore med på på lenge, skryter dei.

Dei fire får full støtte av lokale publikummarar.

– Ja, det var ein flott konsert. Og så den flotte stemma som Adele Erichsen hadde, kommenterer Eli Johnsen.

Ho for full støtte av Henrik Barthel. Han karakteriserer samarbeidet mellom Andre og Adele som fantastisk.

– Eg koste meg. Det var stemningsfullt i kyrkja i kveld. Dette var ein julekonsert der ein fekk roen, seier Henrik.

– Og så er det viktig å fokusera på dei som slit i jula, slik dei gjorde i konserten, legg han til.

Astrid Vevatne og Celine Lunde Rød syntest begge det var ein veldig bra konsert.

– Og så er det fint at dei har konsert her, legg Celine til.

Artistane er strålande nøgde sjølve også.

– Eg føler at konserten gjekk veldig bra. Og så var det var veldig kjekt at det kom så mange, seier organist Andre Eide.

– Dette var heilt magisk. Eg er kjempestolt, og rørt over at det kom så mange. Dette var veldig kjekt, seier Adele Erichsen.


Stemningsfullt og vakkert

Dei kring hundre personane som fekk med seg konserten fekk ei stemningsfull og vakker stund. I over halvannan time gledde Andre Eide, Adele Erichsen og Tove Virata Bråthen publikum med musikk, song og dikt.

Etter rolege opningstonar av Andre på det nye flygelet i Tysneskyrkja, sette Andre og Adele standarden med framføringa av «Deilig er jorden».

– Eg er audmjuk og glad for at det har kome så mange her i dag, eg blir nesten litt nervøs. Takk for at de tok dåke tid til å koma. Eg håpar me klarar å skapa litt julestemning, heldt Adele fram.

Me fekk høyra ei rekkje julesongar utover i konserten, som «I en natt så klar og kald», «Mitt hjerte alltid vanker» og «Home for Christmas».

– Eg skjønar godt at du vil jobba her, kommenterte Adele til Andre, etter å ha framført «Last Christmas» og dei på ny hausta applaus.

Ekstra mykje applaus hausta dei etter ein annan vakker låt; «Engler i snøen», som danna inngangen til neste del av konserten; Tove Virata Bråthen sine dikt om både sorg, glede og kjærleik, framført med tonefølgje av Andre.

– Når ein nett har mista nokon, kan jula vera ei tøff tid, der kjærleik og sorg går hand i hand, med både ljose og mørke dagar, meddelte Tove.

Ho las fleire dikt frå boka si «Fasetter av sorg», som ho gav ut etter at broren tok sitt eige liv.

Ho snakka og om at kreativiteten er viktig når livet er krevande, og at førjulstida kan vera fin, då får ein bruka kreativiteten.

– Den største gåva er å vera der for kvarandre, og å våga og vera der for dei som strir med livet, la ho til, før ho avslutta med:

– Det var aldri meininga at me skulle finna vegen i mørke labyrintar åleine.


Fekk ståande applaus

Før konserten ebba ut, fekk me høyra fleire julesongar av Adele med tonefølgje av Andre. Ein av dei var klassikaren «Det lyser i stille grender».

– Den nest siste er min favoritt; «O Holy Night», forklarte Adele.

Dei avslutta kvelden med «Ave Maria» før publikum takka for konserten med ståande applaus.


OPNA: Andre Eide opna konserten med rolege tonar på det nye flygelet i Tysneskyrkja.
OPNA: Andre Eide opna konserten med rolege tonar på det nye flygelet i Tysneskyrkja.
FEKK FRAM STEMNINGA: Adele Erichsen framførte ei rekkje kjende og kjære julesongar - med tonefølgje av Andre Eide. Her framfører ho "Deilig er jorden".
FEKK FRAM STEMNINGA: Adele Erichsen framførte ei rekkje kjende og kjære julesongar - med tonefølgje av Andre Eide. Her framfører ho "Deilig er jorden".
OM SORG OG KJÆRLEIK: Tove V. Bråthen las eigne dikt om sorg og kjærleik, og om ljose og mørke dagar i livet, framført med tonefølgje av Andre Eide.
OM SORG OG KJÆRLEIK: Tove V. Bråthen las eigne dikt om sorg og kjærleik, og om ljose og mørke dagar i livet, framført med tonefølgje av Andre Eide.
TETT I KYRKJEBENKENE: Kring hundre personar fekk med seg den vakre julekonserten.
TETT I KYRKJEBENKENE: Kring hundre personar fekk med seg den vakre julekonserten.

Siste saker Gå til framsida

Dømt for ruskøyring

Ei kvinne frå Trøndelag er i Sunnhordland tingrett dømt for å ha køyrt i rusa tilstand på Tysnes. Hendinga fann stad hausten 2018.Kvinna var tiltalt for å ha køyrt bil med ein alkoholkonsentrasjon i blodet på minst 2,08 promille. Ho erkjente seg ikkje skuldig etter tiltaleavgjerda.Eit av punkta som vart drøfta i retten var kor høg promille kvinna faktisk hadde då ho køyrde, og...

Frå barnehage til militæret

Sjurd Sandvik Pedersen hadde eit halvt års ventetid mellom vidaregåande og militæret. Det enda med vikarjobb i Lunde barnehage.