Julegrisen

Ei juleforteljing frå «Framsteg», skuleavisa for Solheimsdalen grendeskule. Året er 1945.
Publisert 25.12.2019 kl. 13.00.

Skal det fyrst talast om julegris må det vera vår, for han var så feit at om eg hadde vilja rida på han ville føtene ikkje nådd marka. Men det skal det vel helst ikkje heller når ein rid, ja det vil seia føtene åt ridaren då.

Så var det ein kveld far sa at i morgon fekk grisen takast. «Gløym ikkje å vekkja meg», sa eg, «for det trengst vel ein til å halda i øyro». Dei sette i å le, men eg skjøna ikkje retteleg kva dei lo åt.

Så var det neste morgon. Mannen i grannegarden kom, og slaktaren kom. Bror min og eg fôr no der og såg på førebuingane. Best det var ropa far på meg. «Ja, så lyt du koma då og halda i øyro». Ja, eg skulla koma, men fyrst måtte eg i eit naudsynt ærend. Eg lest springa, det skulle sjå ut som eg hadde det travelt, men berre til eg kom attom nova. Då vart det ikkje lenger så brått om. Eg bruka visst 10 minutt på meteren. Då eg akkurat var nådd døra til eit lite hus høyrde eg eit fælande gryl, så vart det brått stilt. Då tykte eg ikkje lenger eg hadde noko å gjera inn døra til vetlahuset.

Men julekvelden då grisesteika kom på bordet og eg la inn på alt eg orka, og det er ikkje lite, ja då kan det vel henda eg fekk eit ærend innafor døra att.


Siste saker Gå til framsida

Rentekutt frå 8. april

Tysnes Sparebank set ned renta på utlån med inntil 0,6 prosentpoeng. For eksisterande kundar gjeld ny rente frå 8. april 2020.

Lesarinnlegg angåande dette koronaviruset

Synest det blir i mestelaget med «skremselspropaganda» no for tida. Eg er så gamal at eg hugsar kor klok den gamle kyrkjebøna var: «Fri oss frå pest og hunger. Gje oss godt og tenleg vêr. Fri oss frå ein vond og brå død. Vêr hos dei som strir med døden. Men så fann dei på at me behøvde ikkje be om det, for penicillinet var kome, og den drepte alle bakteriar. Ja, straks etter dei forandra på...