PÅFYLL I KASSEN: Både små og store tysnesingar får glede av midlane som Grasrotandelen genererer. Her frå Tine Fotballskule på Reiso i fjor sommar. (Arkivfoto)
PÅFYLL I KASSEN: Både små og store tysnesingar får glede av midlane som Grasrotandelen genererer. Her frå Tine Fotballskule på Reiso i fjor sommar. (Arkivfoto)

Tipping gav nær ein halv million til lagslivet

Norsk Tipping sin statistikk for Grasrotandelen er som alltid svært kjekk lesing.
Publisert 07.01.2020 kl. 14.14. Oppdatert kl. 14.16.

Til saman får lag og foreiningar i Tysnes utdelt 444.485 kroner i grasrotmidlar for 2019. Det er ein auke på nesten 11.000 kroner frå året før.

Nok ein gong er det fotballklubben Njardar/Tysnes som får soleklart mest, med 107.538 kroner. Lundegrend IL og Reksteren IL får begge litt over 30.000 kroner, ein solid auke for sistnemnde.

Den minste summen på lista går for andre år på rad til Øykjaskoro Vel. Dei må klara seg med 283 kroner. Prosentvis er det likevel ein formidabel auke frå 2018, då summen var beskjedne 91 kroner.


Nytt rekordår

Norsk Tipping kan i desse dagar melda om endå eit rekordår for Grasrotandelen. I 2019 var ein berre drygt 1,2 millionar frå å nå 700-millionarsstreken. Totalt sytte nemleg tippeglade nordmenn for å generera heile 698.265.345 kroner til sine utvalde lag, foreiningar og organisasjonar. Auken frå 2018 er på vel 49 millionar.

– Kvart år sidan 2010 – bortsett frå eitt – har me fortalt om rekord, og me kunne jo ikkje vera noko dårlegare i år, seier Norsk Tipping sin «grasrotgeneral», Anne Helseth.

Ved utgangen av 2019 var det 1.246.406 registrerte grasrotgjevarar. Over 900 av desse har valt å gje sju prosent av sin tippeinnsats til eit Tysnes-lag.


Den lokale grasrotlista (2019):

(Tal på givarar i parentes)

Njardar/Tysnes – 107.538 (170)

Lundegrend IL – 32.183 (110)

Reksteren IL – 31.247 (46)

Tysnes IL – 24.860 (58)

Reksteren ungdomslag – 23.200 (36)

Hålandsneset grendalag – 23.115 (48)

Onarheim IL – 22.644 (60)

Tysnes Røde Kors Hjelpekorps – 17.967 (51)

Tysnes skulekorps – 17.855 (48)

Onarheim musikklag – 15.131 (34)

Tysnes ungdomslag – 13.170 (30)

Opdal ungdomslag – 12.755 (36)

Flatråker bygdalag – 12.562 (24)

Solstråleøya venelag – 11.422 (10)

Tysnes musikklag – 9.661 (20)

Skorpen grendahuslag – 8.844 (15)

Båtlaget Njord/Tysnes – 8.355 (25)

Tveit bygdalag – 8.073 (19)

Tysnes skyttarlag – 6.861 (17)

Tysnes sportsskyttarklubb – 6.417 (12)

Solheimsdalen grendelag – 5.864 (14)

Tysnes musélag – 5.703 (4)

Stiftinga Tysnesfest – 4.392 (18)

Tysnes kystlag – 3.094 (8)

Tysnes kammerkor – 2.848 (10)

Uggdal IL – 2.795 (3)

Kongsvik grendalag – 2.772 (11)

Reksteren karateklubb – 2.292 (5)

Hjertefred Tysnes – 583 (3)

Øykjaskoro Vel – 283 (1)

Kjelde: Norsk Tipping


Siste saker Gå til framsida

Dømt for ruskøyring

Ei kvinne frå Trøndelag er i Sunnhordland tingrett dømt for å ha køyrt i rusa tilstand på Tysnes. Hendinga fann stad hausten 2018.Kvinna var tiltalt for å ha køyrt bil med ein alkoholkonsentrasjon i blodet på minst 2,08 promille. Ho erkjente seg ikkje skuldig etter tiltaleavgjerda.Eit av punkta som vart drøfta i retten var kor høg promille kvinna faktisk hadde då ho køyrde, og...

Frå barnehage til militæret

Sjurd Sandvik Pedersen hadde eit halvt års ventetid mellom vidaregåande og militæret. Det enda med vikarjobb i Lunde barnehage.