ENDA GODT: Det var klokka 03.27 natt til onsdag at Tysnes omsorgssenter melde frå om ein sakna pasient. Han blei funnen halvannan time seinare, 600 meter frå omsorgssenteret. (Foto: Camilla Korsnes)
ENDA GODT: Det var klokka 03.27 natt til onsdag at Tysnes omsorgssenter melde frå om ein sakna pasient. Han blei funnen halvannan time seinare, 600 meter frå omsorgssenteret. (Foto: Camilla Korsnes)

Meldt sakna i natt, blei funnen ved kyrkja

Ein eldre mann med demens som blei meldt sakna frå omsorgssenteret natt til onsdag, blei seinare funnen ved Uggdal kyrkje.
Publisert 08.01.2020 kl. 11.08. Oppdatert kl. 12.21.

Det var klokka 03.27 politiet fekk melding om at ein pasient ved Tysnes omsorgssenter var sakna, og at vedkomande truleg hade forlate omsorgssenteret. Det hadde blitt leita inne på omsorgssenteret og i omsorgsleilegheitene like ved, men han var ikkje der heller.

– Politiet på Tysnes blei varsla, og to frå patruljen kom til omsorgssenteret klokka 03.50. Det blei då gjort ein del undersøkingar og innhenting av informasjon, og ein gjekk gjennom bygget på nytt, fortel operasjonsleiar Knut Dahl-Michelsen ved Vest politidistrikt til «Tysnes».

Pårørande blei også informert, og det blei sjekka ut om pasienten dukka opp hos dei.

Pårørande deltok også i leiteaksjonen. Det var pårørande som fann mannen klokka 05.10, ved Uggdal kyrkje. Han hadde då på seg dressbukse og genser. Mannen blei frakta tilbake til omsorgssenteret.

– Han har truleg gått ut i 03-tida. Han var på rommet sitt tidlegare på natta, men ved nytt tilsyn var han borte, fortel operasjonsleiar.

Både Norske redningshunder frå Bergen og personell frå Røde Kors blei tilkalla klokka 04.40, men pasienten blei funnen før dei nådde fram.


Siste saker Gå til framsida

Dømt for ruskøyring

Ei kvinne frå Trøndelag er i Sunnhordland tingrett dømt for å ha køyrt i rusa tilstand på Tysnes. Hendinga fann stad hausten 2018.Kvinna var tiltalt for å ha køyrt bil med ein alkoholkonsentrasjon i blodet på minst 2,08 promille. Ho erkjente seg ikkje skuldig etter tiltaleavgjerda.Eit av punkta som vart drøfta i retten var kor høg promille kvinna faktisk hadde då ho køyrde, og...

Frå barnehage til militæret

Sjurd Sandvik Pedersen hadde eit halvt års ventetid mellom vidaregåande og militæret. Det enda med vikarjobb i Lunde barnehage.