TIL HAAHEIM: I haust kunne ein få med seg Arne Torget på Norske Talenter. No kjem han til Haaheim. (Skjermdump: YouTube)
TIL HAAHEIM: I haust kunne ein få med seg Arne Torget på Norske Talenter. No kjem han til Haaheim. (Skjermdump: YouTube)

Stuntpoet Arne Torget til Haaheim

Du såg han kanskje på Norske Talenter på TV2 i haust. Fredag og laurdag er Arne Torget på Haaheim.
Publisert 09.01.2020 kl. 12.00.

– Me ventar ein del lokale publikummarar, men det kjem også mange tilreisande, seier husfar Torstein Hatlevik på Haaheim Gaard til «Tysnes».

Stuntpoet Arne Torget frå Kvinnherad er trekkplasteret på Haaheim denne helga. Han opptrer både fredag og laurdag.

Hatlevik fortel om eit rikt og variert kulturprogram utover vinteren og våren. Allereie neste helg står «Whiskey aften» på programmet, fyrste helga i februar kjem Solveig Slettahjell til Haaheim og i mars kjem Helge Jordal. Etter påske kan ein sjå og høyra både Solveig Kringlebotn og Knut Reiersrud.

Torstein Hatlevik poengterer at det er viktig å ha ein spennande og variert kulturkalender.

– Saman med Mandelhuset og friviljuge lag og organisasjonar har me veldig mykje å tilby. Det er fantastisk mykje som skjer på Tysnes, heile året. Eg trur ikkje det er mange kommunar på vår storleik som har eit så rikt kulturprogram, seier ein nøgd husfar på Haaheim.

Han oppfordrar lokale folk til å koma seg ut av godstolen og ta del i arrangementa.

– Det er viktig at folk brukar oss, då er me her, seier han.

Laurdag og søndag er det også eit heilt anna tilbod på Haaheim. Då står «Barna sin restaurant» på programmet. Kring 20 born er påmelde, men det er plass til fleire.

– Me ynskjer å ha eit tilbod til born, og ta borna sine smakar på alvor. Dei er restaurantgjestene i framtida, seier husfar om arrangementet.


Siste saker Gå til framsida

Rentekutt frå 8. april

Tysnes Sparebank set ned renta på utlån med inntil 0,6 prosentpoeng. For eksisterande kundar gjeld ny rente frå 8. april 2020.

Lesarinnlegg angåande dette koronaviruset

Synest det blir i mestelaget med «skremselspropaganda» no for tida. Eg er så gamal at eg hugsar kor klok den gamle kyrkjebøna var: «Fri oss frå pest og hunger. Gje oss godt og tenleg vêr. Fri oss frå ein vond og brå død. Vêr hos dei som strir med døden. Men så fann dei på at me behøvde ikkje be om det, for penicillinet var kome, og den drepte alle bakteriar. Ja, straks etter dei forandra på...