PÅ SØNDAGSSKULE: Det var juletregang både til opning og avslutning på den fyrste laurdagssøndagsskulen i det nye året. Og julesongane lydde utover i bedehusetlokalet.
PÅ SØNDAGSSKULE: Det var juletregang både til opning og avslutning på den fyrste laurdagssøndagsskulen i det nye året. Og julesongane lydde utover i bedehusetlokalet.

Feira litt jul i nytt søndagsskuleår

– Hjarteleg velkomne og vel overstått jul. No feirar me litt jul i dag, sidan det er eit heilt år til neste år, seier Reidun Skartveit.
Publisert 13.01.2020 kl. 14.55.

Kring ti unge har møtt fram for å vera med på den fyrste laurdagssøndagsskulen i Tysnes bedehus i det nye året.

– Me startar med å gå rundt juletreet. Me pynta treet i går, så det skulle vera klart til i dag. Me begynner med «Å, jul med din glede», informerer Reidun.

Anne Merete Dalland har sett seg ved pianoet, og syter for musikk til juletregangen. Fleire kjende julesongar lyder utover i bedehuslokalet, før dei tek ein pause og det blir søndagsskuleprogram.

– Me skal ta ein runde til med gang rundt juletreet. Me tar det som avslutning på dagen i dag, seier Reidun.


Engasjerte born

Anne Merete har søndagskuleprogrammet for dagen. Det handlar om Jesusbarnet som blei fødd i Betlehem, men fyrst syng alle «Jeg er så glad hver julekveld».

Anne Merete lurer på kven ho har tent lys for i dag, kven som blei fødd på julaftan, og kva det heitte, det vesle barnet som Maria og Josef skulle få.

Og borna svarar, det eine barnet etter det andre, klårt og tydeleg.

– Og dei gjekk heilt til Betlehem, og ingen delte hus med dei. Kva gjorde dei då, lurte Anne Merete på.

– Då gjekk dei til ein stall, fortel borna, nesten i kor.

Engasjerte følgjer dei med på heile forteljinga til søndagskulelæraren. Under vegs får dei vera med å lima på figurar på tavla i bedehuset.

Heilt til slutt syng dei alle «Et barn er født i Betlehem».

– Ja, no veit de kvifor me feirar jul, oppsummerer Anne Merete.


– Ein del av kulturarven

Det er Reidun Skartveit og Anne Merete Dalland som har ansvar for laurdagsssøndagskulen i Tysnes bedehus. Dei seinare åra har dei hatt søndagsskulen om laurdagar.

– Då slepp me å ta omsyn til søndagar med gudsteneste, og så passar det betre for dei fleste familiar at me har det om laurdagen, konstaterer dei.

Dei gler seg når det kjem mange, og gjerne frå heile Tysnes. Denne laurdagen er det stort sett born frå Tysnesbygda og Lunde.

– Talet på frammøtte born varierer mellom fem og 20. Det blir helst dei aller yngste som kjem, dei litt eldre har så mange andre tilbod å velja mellom, fortel Anne Merete.

Mange av borna har med seg foreldre eller besteforeldre.

Torvald Eik Midtbø (3½) plar som oftast gå i lag med besto. Denne laurdagen både mamma og pappa, Åsta Midtbø og Audun Lund Eik med, saman søstera Aslaug Helene (2).

– Aslaug skal begynna på søndagsskulen til hausten, seier mamma Åsta.

Tuva Sælensminde Auran (4½) har følgje med besteforeldra Gunvor og Kjell Auran.

– Det er veldig kjekt at besteforeldre engasjerer seg og tar borna med, seier Reidun.

Bestefar Kjell synest det er trasig at borna ikkje lenger får læra om bibelsoga i skulen.

– Eg likar ikkje denne utviklinga. Dette handlar om kulturarven vår som no går tapt. Difor er søndagsskulen viktig, seier bestefaren.


Er medhjelpar

Kristina Langballe (snart 11) er ei travel ung jente med mange interesser. Ho deltek på søndagsskulen når det ikkje kolliderer med andre interesser.

– Eg er med på handball, fotball, korps og synging i Soul-Children i tillegg til søndagsskulen, forklarar ho.

– Og så spelar du piano og, legg bestemor Unni til.

Kristina er blant dei eldste som er med på søndagsskulen.

– Det er så kjekt å ha nokre store med, som kan hjelpa oss. Kristina er flink å hjelpa til, rosar Reidun.

Snart er det tid for pakkeleiken. Då er det Kristiina si oppgåve å hjelpa til å pakka ut pakkane for dei aller minste.


To gonger i månaden

Tid til å teikna blir det også. Reidun og Anne Merete har med ark som borna skal få fargeleggja.

Og så blir det saft og kjekt for dei som har lyst på det, og ein kaffitår og litt å bita i for foreldre og besteforeldre.

– Neste laurdagssøndagskule blir om fjorden dagar. Då skal de få utlevert halvårsplan, informerer Reidun.

Og før alle går heim til sitt, blir det ein ny runde med juletregang.

Julesongar som «Jeg gikk meg over sjø og land» og «Så går vi rundt om en enebærbusk» tonar utover i lokalet.

Nissen hadde ikkje tid å koma denne laurdagen, til det var han ifølgje Reidun for travelt oppteken med gjeremål til neste jul. Men ein liten Pippisekk dukka opp i lokalet. Oppi den var det gule pengar med noko godt inni. Ein til kvar. God helg.




MEDHJELPAR: Torvald Eik Midtbø (3½) fekk plassera eit av dyra på tavla til søndagsskulelærar Anne Merete Dalland, medan søstera Aslaug Helene Eik Midtbø (2) følgjer med.
MEDHJELPAR: Torvald Eik Midtbø (3½) fekk plassera eit av dyra på tavla til søndagsskulelærar Anne Merete Dalland, medan søstera Aslaug Helene Eik Midtbø (2) følgjer med.
ENGASJERTE BORN: Lilly Hustad fekk plassera eit nytt dyr på tavla til søndagsskulelæraren.
ENGASJERTE BORN: Lilly Hustad fekk plassera eit nytt dyr på tavla til søndagsskulelæraren.
FARGELEGGING: Tuva Sælensminde Auran (4½) er travelt oppteken med å fargeleggja teikningane som dei har fått utlevert.
FARGELEGGING: Tuva Sælensminde Auran (4½) er travelt oppteken med å fargeleggja teikningane som dei har fått utlevert.
PAKKELEIK: Maria Pichardo Bjordal har fått sin pakke.
PAKKELEIK: Maria Pichardo Bjordal har fått sin pakke.
SPENNANDE: Kristina Langballe hjelper Aslaug Helene Eik Midtbø med å opna pakken, medan broren Torvald Eik Midtbø og mamma Åsta Midtbø følgjer spent med.
SPENNANDE: Kristina Langballe hjelper Aslaug Helene Eik Midtbø med å opna pakken, medan broren Torvald Eik Midtbø og mamma Åsta Midtbø følgjer spent med.
JULEGÅVE: Kristina Langballe fekk æra av å opna julegåva til søndagsskulen.
JULEGÅVE: Kristina Langballe fekk æra av å opna julegåva til søndagsskulen.
PAKKEGODT: Hannah Hustad er spent på kva som er i den vesle sekken til søndagsskulelærar Reidun Skartveit.
PAKKEGODT: Hannah Hustad er spent på kva som er i den vesle sekken til søndagsskulelærar Reidun Skartveit.

Siste saker Gå til framsida

Lesarbrev: Takk til alle heltene som jobber i dagligvarebutikkene i Vestland

I møtet med koronakrisen trer nå mange helter fram. Mange i samfunnskritiske funksjoner jobber på spreng. Det viser tydeligere enn noen gang hvor viktige disse funksjonene er. Som næringsminister vil jeg gjerne rette en spesiell takk til alle heltene i butikkene. Som hver dag stiller på jobb for å sikre mat på bordet til alle oss andre, de som sitter i front og de som står på for å sikre at...

No skal klokka stillast igjen

Det er mykje som er endra i samfunnet i desse koronatider, men ein ting går som planlagt: overgangen til sommartid. Natt til søndag skal nemleg klokka stillast ein time fram, og dei som skal tidleg opp på jobb får ein time mindre på puta. Til gjengjeld kan me i tida framover nyta ljosare kveldar.

– Me har opplevd utruleg god støtte

SvingenPuls er blant verksemdene som har måtta stengja som eit resultat av koronatiltaka. Leiar Marthe G. Birkeland prøver å gjera det beste ut av situasjonen, og set stor pris på støtta frå medlemmane.