SVÆRT HØG VASSTAND: Slik såg det ut i Søreidsvågen litt over klokka eitt onsdag. (Foto: Camilla Korsnes)
SVÆRT HØG VASSTAND: Slik såg det ut i Søreidsvågen litt over klokka eitt onsdag. (Foto: Camilla Korsnes)

Mange naust fekk testa kledninga

Den høge floa var godt merkbar på Tysnes, men ser ikkje ut til å ha fått nemneverdige konsekvensar.
Publisert 15.01.2020 kl. 16.00. Oppdatert kl. 16.40.

Måndag denne veka varsla Meteorologisk institutt at det var venta svært høg vasstand i Vestland (og ein del andre fylke) natt til onsdag og onsdag ettermiddag.

Farevarselet var fyrst oransje, men blei tysdag oppgradert til raudt, og ekstremvêret fekk namnet «Didrik». Det var venta at vasstanden kunne nå mellom 80 og 90 centimeter over høgda oppgitt i tidvasstabellen, og mange gjorde førebyggjande tiltak rundt om i landet.


Nedjusterte farenivået

Tidleg onsdag kunne meteorologane melda at «Didrik» var over, og at farevarselet var nedjustert til oransje att. Med det spådde ein at floa ville nå mellom 60 og 70 centimeter over høgda oppgitt i tidvasstabellen, og vera på topp mellom klokka 13 og 15 onsdag ettermiddag.

Då «Tysnes» tok turen ut for å sjekka ståa mellom klokka 13 og 14 onsdag, mangla det ikkje på motiv som illustrerte den uvanlege vêrsituasjonen. Mange naust stod delvis under vatn, og ei rekkje flytebrygger var uråd å koma til.


Ingen dramatikk

I Våge måtte snøggbåten leggja til ved E-brygga då skuleelevane skulle om bord. Ein av dei tilsette om bord fortalde at han ikkje hadde sett så høg flo i løpet av dei fire åra han har jobba på båten, og spøkte med at dei måtta dra på Jernia og kjøpa seg stige.

Men alt i alt gjekk det roleg for seg på Tysnes medan den unormalt høge floa gjorde sitt inntog.

Verken brannsjef Torfinn Kongsvik eller politikontakt Marita Flemmen Skogvoll hadde fått inn meldingar om problem då me slo på tråden i 14.30-tida.









OVERFLØYMD: Det måtte solide sjøstøvlar til om ein ville gå tørrskodd ved bensinpumpa i Våge. (Foto: Camilla Korsnes)
OVERFLØYMD: Det måtte solide sjøstøvlar til om ein ville gå tørrskodd ved bensinpumpa i Våge. (Foto: Camilla Korsnes)
NY PLASSERING: Snøggbåten måtte leggja til ved E-brygga då skuleelevane skulle heim til Reksteren. (Foto: Øyvind Bjerkestrand)
NY PLASSERING: Snøggbåten måtte leggja til ved E-brygga då skuleelevane skulle heim til Reksteren. (Foto: Øyvind Bjerkestrand)
VÅGSHOLMEN: Her hadde det nok gjort seg best med vadebukser. (Foto: Camilla Korsnes)
VÅGSHOLMEN: Her hadde det nok gjort seg best med vadebukser. (Foto: Camilla Korsnes)
SJØEN KOM INN: Slik såg det ut i eit naust som er under oppføring nær Mandelhuset. (Foto: Øyvind Bjerkestrand)
SJØEN KOM INN: Slik såg det ut i eit naust som er under oppføring nær Mandelhuset. (Foto: Øyvind Bjerkestrand)
UGGDAl: Også ved Sjø & Fritid var floa godt synleg. Fleire av flytebryggene var heilt utilgjengelege, med mindre enn hadde lyst på ein symjetur.
UGGDAl: Også ved Sjø & Fritid var floa godt synleg. Fleire av flytebryggene var heilt utilgjengelege, med mindre enn hadde lyst på ein symjetur.
NYTT LANDSKAP: Ein svanefamilie ved Gjerstadneset fekk plutseleg nye sjøområde å symja i. (Foto: Monica Løvaas)
NYTT LANDSKAP: Ein svanefamilie ved Gjerstadneset fekk plutseleg nye sjøområde å symja i. (Foto: Monica Løvaas)
FORSØPLING: Den høge floa røska tak i mykje boss.
FORSØPLING: Den høge floa røska tak i mykje boss.
VÅTT: Denne kaien i Søreidsvågen var heilt dekka av sjøvatn.
VÅTT: Denne kaien i Søreidsvågen var heilt dekka av sjøvatn.
VEGEN FORSVANN: Heller ikkje til småbåthamna ved Gjerstad kunne ein rekna med å gå tørrskodd.
VEGEN FORSVANN: Heller ikkje til småbåthamna ved Gjerstad kunne ein rekna med å gå tørrskodd.
REKSTEREN: Ved Bruntveit Handel blei det ein noko spesiell dag for både kundar og tilsette. (Foto: Privat)
REKSTEREN: Ved Bruntveit Handel blei det ein noko spesiell dag for både kundar og tilsette. (Foto: Privat)

Siste saker Gå til framsida

Sjå biletdryss frå 10. klasse-showet

På plass i salen under det imponerande 80-talsshowet før helga, var mellom anna Carl Henrik Harbitz-Rasmussen. Han hadde med seg kamera, og knipsa ei rekkje gode bilete som han har delt med oss i «Tysnes». Så anten du fekk med deg showet eller ikkje; her kjem eit lite tilbakeblikk på den kjekke stunda i...