TAP: Kristin van der Meeren og resten av damelaget til Tysnes IL fekk det tøft mot Viking TIF 2 i Tysneshallen fredag.
TAP: Kristin van der Meeren og resten av damelaget til Tysnes IL fekk det tøft mot Viking TIF 2 i Tysneshallen fredag.

– Det var ein spelemessig god kamp

Trenar Terje Sløgedal skrytte av spelarane sjølv om det blei tap for Viking TIF 2 i Tysneshallen fredag.
– Me møtte eit godt lag i dag, fortel trenar Terje Sløgedal.
Publisert 18.01.2020 kl. 18.50.

Etter å ha starta året med to bortetap, ynskte damelaget til Tysnes IL å snu trenden på heimebane fredag kveld. På motsett banehalvdel venta ein tøff motstandar i Viking TIF 2.


Knallstart

Sjølv om bortelaget blei for sterke, var det tysnesingane som opna best. Rautrøyene fekk ein knallstart, og etter berre sju spelte minutt leia dei 5-0 over bortelaget.

Etter den gode starten gjekk ting litt tråare for Tysnes, og Viking TIF klarte også å finna nettmaskene. Halvvegs i omgangen var femmålsleiinga eten opp, og stillinga var 6-5 til Tysnes. Trenar Sløgedal peiker på at bortelaget i opningsminutta må klara seg utan ein av dei beste spelarane sine.

– Playmakeren deira blei skada heilt i starten, og måtte ut. Me opna godt, men det blei tøffare då ho kom tilbake på bana igjen, forklarar han.

Resten av den fyrste omgangen var jamspelt, og dei tilreisande gjekk til pause i leiinga 13-12.


Tung start etter pause

– Det er jamt, men me gjer litt personlege feil og blir straffa på kontringar. Eg håpar at me kan ta dei på kondis i andre omgang, oppsummerte Sløgedal i pausen.

Derimot var det bortelaget som opna best etter kvilen, og 12-13 blei til 13-18 i løpet av dei fem fyrste minutta. Tysnes klarte å svara på opninga, og dei neste ti minutta blei meir jamspelte. Halvvegs i omgangen var stillinga 17-21, men etter dette tok bortelaget heilt over.

Medan Tysnes berre scora to mål i løpet av det siste kvarteret, putta Viking TIF seks mål. Sluttresultatet blei 19-27, og tysnesingane måtte på nytt så seg slått.


Ny sjanse

Trenar Sløgedal hadde likevel mykje godt å seia om laget sitt etter kampen mot Viking TIF.

– Det var ein spelemessig god kamp, og me gjer mykje gode trekk.

Allereie i morgon, søndag, får damelaget ein ny sjanse til å sikra årets fyrste siger. Då står Fana 3 på motsett halvdel i Tysneshallen.

– Det kan nok bli ein endå tøffare kamp, fortel Sløgedal.

I tillegg til damelaget, skal også J16-laget i aksjon i Tysneshallen søndag.




TOPPSCORAR: Renathe Hagen-Lunde var ein av heimelaget sine beste spelarar fredag, og blei Tysnes sin toppscorar med fire mål.
TOPPSCORAR: Renathe Hagen-Lunde var ein av heimelaget sine beste spelarar fredag, og blei Tysnes sin toppscorar med fire mål.
OPNA BEST: Tysnes opna best, men fekk det tøffare etterkvart. Bortelaget vann til slutt 19-27.
OPNA BEST: Tysnes opna best, men fekk det tøffare etterkvart. Bortelaget vann til slutt 19-27.
KJEMPING: Norunn Ebbesvik fekk seg eitt mål frå strekposisjonen.
KJEMPING: Norunn Ebbesvik fekk seg eitt mål frå strekposisjonen.
TRE MÅL: Maria Lillesletten Hagen fekk med seg tre mål frå kampen mot Viking TIF 2.
TRE MÅL: Maria Lillesletten Hagen fekk med seg tre mål frå kampen mot Viking TIF 2.
ÅTTANDEPLASS: Med åtte poeng ligg Tysnes på åttandeplass av elleve lag på tabellen.
ÅTTANDEPLASS: Med åtte poeng ligg Tysnes på åttandeplass av elleve lag på tabellen.
NY KAMP: Allereie på søndag får tysnesingane ein ny sjanse til å kjempa om to poeng på heimebane. Då står Fana 3 på motsett halvdel.
NY KAMP: Allereie på søndag får tysnesingane ein ny sjanse til å kjempa om to poeng på heimebane. Då står Fana 3 på motsett halvdel.

Siste saker Gå til framsida

Sjå biletdryss frå 10. klasse-showet

På plass i salen under det imponerande 80-talsshowet før helga, var mellom anna Carl Henrik Harbitz-Rasmussen. Han hadde med seg kamera, og knipsa ei rekkje gode bilete som han har delt med oss i «Tysnes». Så anten du fekk med deg showet eller ikkje; her kjem eit lite tilbakeblikk på den kjekke stunda i...