TAPTE: Annica Reimdal Vee og resten av Jenter 16-laget spelte jamt med Sædalen søndag, men enda opp med eit knepent tap.
TAPTE: Annica Reimdal Vee og resten av Jenter 16-laget spelte jamt med Sædalen søndag, men enda opp med eit knepent tap.

Knepent tap for J16

Heimepublikummet fekk oppleva ein tett og intens match då Jenter 16-laget møtte Sædalen søndag.
Publisert 22.01.2020 kl. 06.02.

– Dei er knallflinke, seier Terje Sløgedal.

Søndag leia han Tysnes IL sitt J16-lag i kampen mot Sædalen i Tysneshallen, medan hovudtrenar Geir Austvik var med J13-laget til Stord. Og sjølv om det blei tap, fekk jentene skryt av trenarvikaren etter kampen.

– Dei spelte variert i angrep og var tøffe i forsvar, og alle var påskrudde, fortel Sløgedal stolt.


Knallstart

Jenter 16-laget er med i ein tøff avdeling denne sesongen, og hadde før kampen søndag berre tatt to poeng på ni kampar. Motstandar Sædalen hadde plukka seks poeng meir, og var dermed favoritt før oppgjeret i Tysneshallen.

Men det var heimelaget som opna best. Det tok berre 18 sekund før Brita Austvik hamra inn 1-0, og i påfølgjande Sædalen-angrep snappa ho ballen frå motstandarane og kontra inn 2-0. I det fjerde minutt sende Austvik Tysnes opp i 3-0, før Annica Reimdal Vee auka til 4-0 minuttet seinare.

Etter knallstarten jamna kampen seg ut, og laga følgde kvarandre tett resten av omgangen. Til pause var leiinga redusert til eitt mål for tysnesingane.


Hakket betre

I starten av andre omgang tok Sædalen initiativet og gjekk opp i leiinga, ei leiing dei ikkje gav fra seg resten av oppgjeret. Det blei tett, jamt og intenst, og begge laga viste mykje god handball.

Tysnes var fleire gongar heilt oppe i ryggen på Sædalen, men klarte aldri å setta inn det siste ekstra giret som skulle til for å gå seirande ut. Etter ein spennande avslutning vann til slutt bortelaget kampen med siffera 21-24.

Trenar Sløgedal meinte at resultatet like gjerne kunne vore motsett.

– Det var eit godt lag som møtte eit litt betre lag, men med litt meir marginar kunne resultatet gått andre vegen, oppsummerer han.


Tap for J13

Samtidig som J16 spelte i Tysneshallen, var J13-laget på Stord for å møta Stord. J13 har plukka mange poeng i ein tøff avdeling, og Stord var også eit tøft lag å bryna seg på søndag. Tysnes tapte kampen 15-9.

– Me spelte eigentleg ein god kamp, men sleit med å scora. Eg synast jentene har hevda seg bra denne sesongen. Til helga skal me møta Fana, og det er ein kamp me skal vinna, fortel trenar Geir Austvik.



TOPPSCORAR: Brita Austvik er ein viktig brikke i laget, og blei Tysnes sin toppscorar med seks mål søndag.
TOPPSCORAR: Brita Austvik er ein viktig brikke i laget, og blei Tysnes sin toppscorar med seks mål søndag.
STRAFFESKYTAR: Keeper Emma Marie Bruntveit stod ein god kamp i mål, og scora også to mål sjølv på straffer.
STRAFFESKYTAR: Keeper Emma Marie Bruntveit stod ein god kamp i mål, og scora også to mål sjølv på straffer.
TØFF AVVDELING: J16-laget har hatt ein tøff sesong poengmessig, men har vist god handball i fleire kampar.
TØFF AVVDELING: J16-laget har hatt ein tøff sesong poengmessig, men har vist god handball i fleire kampar.
SKRYT: Trenar for dagen, Terje Sløgedal, skrytte av laget etter kampen.
SKRYT: Trenar for dagen, Terje Sløgedal, skrytte av laget etter kampen.
DUELLAR: Det blei ein fysisk tøff kamp mot sterke spelarar frå Sædalen.
DUELLAR: Det blei ein fysisk tøff kamp mot sterke spelarar frå Sædalen.

Siste saker Gå til framsida

Lesarbrev: Takk til alle heltene som jobber i dagligvarebutikkene i Vestland

I møtet med koronakrisen trer nå mange helter fram. Mange i samfunnskritiske funksjoner jobber på spreng. Det viser tydeligere enn noen gang hvor viktige disse funksjonene er. Som næringsminister vil jeg gjerne rette en spesiell takk til alle heltene i butikkene. Som hver dag stiller på jobb for å sikre mat på bordet til alle oss andre, de som sitter i front og de som står på for å sikre at...

No skal klokka stillast igjen

Det er mykje som er endra i samfunnet i desse koronatider, men ein ting går som planlagt: overgangen til sommartid. Natt til søndag skal nemleg klokka stillast ein time fram, og dei som skal tidleg opp på jobb får ein time mindre på puta. Til gjengjeld kan me i tida framover nyta ljosare kveldar.

– Me har opplevd utruleg god støtte

SvingenPuls er blant verksemdene som har måtta stengja som eit resultat av koronatiltaka. Leiar Marthe G. Birkeland prøver å gjera det beste ut av situasjonen, og set stor pris på støtta frå medlemmane.