KALDT: Laurdag var det duka for den fjerde vinterbadinga i Våge.
KALDT: Laurdag var det duka for den fjerde vinterbadinga i Våge.

Nesten rekord i regnvêret

24 sprekingar møtte fram til den fjerde vinterbadinga i Våge.
Publisert 01.02.2020 kl. 13.49. Oppdatert 05.02.2020 kl. 08.01.

– Det var iskaldt allereie før ein hoppa uti, fortel Stine Erstad.

Ho var blant dei 24 som laurdag blei med på den fjerde utgåva av den månadlege vinterbadinga som Christian Nome Lepsøe har initiert i Våge.

Gradestokken i vatnet viste sju gradar, men det var nok vel så kaldt på land, der regnet i tillegg hølja ned.

– Det verste var å måtte venta eitt minutt før me kunna hoppa, fortel Anna G. Birkeland.

Badegjengen hoppar nemleg i vatnet på slaget klokka 12.

– Og så var det berre fullt sjokk når ein hoppa uti, seier Stine vidare.

Rekorddeltakinga på vinterbadinga er 25 personar. Det betyr at det berre nesten blei ny rekord laurdag. Initiativtakaran er uansett svært godt nøgd med frammøtet.

– Det viser at vêret ikkje har noko å seia, fortel Christian.

– I tillegg er det like mange som kjem for å sjå på, seier han vidare.

Det er no to rundar igjen med vinterbading før våren kjem. Dei er lagt til vinterferien og palmehelga.

– Eg håpar på litt ekstra folk då, fortel han vidare.

Etter badinga var det duka for lapskaus og kakao på Mandelhuset. Dagleg leiar Patrick Russell Madsen er godt nøgd med opplegget, og er sjølv med på badinga.

– Det er fascinerande å sjå kor populært det har blitt. Det er eit kjempeinitiativ, seier han.

Som vanleg var det også tippekonkurranse om vasstemperaturen. Denne gongen var det Eli Sandvik som var aller nærast med 7,2 gradar.





NESTEN REKORD: 24 stykk var med og bada, berre éin bak rekorden.
NESTEN REKORD: 24 stykk var med og bada, berre éin bak rekorden.
SJU GRADAR: Nokon tok seg ein liten symjetur ekstra i dei sju gradane i sjøen.
SJU GRADAR: Nokon tok seg ein liten symjetur ekstra i dei sju gradane i sjøen.
OPPVARMING: Etter badinga venta varm mat og drikke inne på Mandelhuset.
OPPVARMING: Etter badinga venta varm mat og drikke inne på Mandelhuset.
FIRE AV SEKS: Initiativtakar Christian Nome Lepsøe fortel at det er to rundar med bading igjen denne vinteren. Fyrst i vinterferien, så i palmehelga.
FIRE AV SEKS: Initiativtakar Christian Nome Lepsøe fortel at det er to rundar med bading igjen denne vinteren. Fyrst i vinterferien, så i palmehelga.

Siste saker Gå til framsida

Har fått full finansiering

Leiar i Tysnes hundeklubb, Maren Leite, er strålande nøgd med å ha fått full støtte til å kjøpa inn gjerde til hundeparken på Gjerstad.

Lesarbrev: Frå psykososial rehabilitering til eiga stove i desse dagar

Eg fekk den 23.03.2020 avbrote mitt opphald på Røysumtunet rehabiliteringssenter for epilepsi fleire veker før tida på grunn av auka smittefare for koronaviruset. Dei byrja med å senda heim brukarar som nevrologane vurderte som forsvarleg å senda heim fyrst. I dag er den avdelinga stengd inntil vidare.No har eg vore heime ei lita veka, og hovudet mitt er byrja å tetta seg litt med...

Får selja frukt og bakevarar i lausvekt, men ikkje smågodt

I det ekstraordinære formannskapsmøtet tysdag blei den lokale koronaforskrifta om sal av lausvektsvarer endra. No kan butikkane på Tysnes igjen selja frukt og bakevarer utan å pakka dei inn på førehand. Forbodet mot å selja smågodt i lausvekt blir derimot vidareført.– Då me vedtok denne forskrifta, så såg me for oss varer som gjerne var eksponert for smitte. Og så ser me no at me gjerne...