TIL GJERSTAD: Den legendariske 70-talsgruppa Village People er klare for Tysnesfest. (Pressefoto)
TIL GJERSTAD: Den legendariske 70-talsgruppa Village People er klare for Tysnesfest. (Pressefoto)

Discolegender til Tysnesfest

Village People er klare for Gjerstad laurdag 11. juli.
Publisert 05.02.2020 kl. 18.00.

– Det er litt galskap, og det passar midt i blinken for oss, seier dagleg leiar i Tysnesfest, Øystein Vaage.

I ei pressemelding onsdag stadfestar festivalen at den legendariske amerikanske discogruppa Village People kjem til Gjerstad i juli. Gruppa blir ein del av laurdagsprogrammet.


Kjente låtar

– Eg trur nesten alle mellom 10 og 90 år har eit forhold til Village People, fortel Vaage vidare.

Gruppa blei danna i 1977, og slo raskt gjennom med sine fengande discolåtar og scenekostyme. I perioden 1978 til 1979 sleppte gruppa sine største hitar, inkludert «Macho Man», «In The Navy», «Go West» og superhiten «Y.M.C.A».

– Så å seia alle har høyrt «Y.M.C.A.». Eg trur det nesten ikkje er nokon i den vestlege verda som ikkje har høyrt den låten, seier Vaage.

Låten har over 140 millionar avspelingar på Spotify og musikkvideoen har blitt sett 197 millionar gongar på Youtube, noko som er særs høge tal for ein låt frå 70-talet.

– Eg ser for meg at det blir ganske livat blant publikum. Dette blir gøy, seier Vaage.


Nytt utanlandsk band

Village People er den fyrste utanlandske bookinga som er lansert til Tysnesfest i sommar. Dei går dermed i fotspora til band og artistar som Tom Jones, Toto, Samantha Fox, The Prodigy, Alphaville og 10CC, som var det utanlandske innslaget i fjor.

– Frå 2010 har me hatt utanlandske innslag kvart år, fortel Vaage.

Den daglege leiaren har «testa» Village People-sleppet på eit par kjentfolk, og fått gode tilbakemeldingar.

– Eg har nemnt det for nokon, og reaksjonen har vore at folk nesten ikkje trur på det, seier han.

Vaage set stor pris på å kunna lokka med eit såpass anerkjent internasjonalt band.

– Me har jobba med denne bookinga i halvannan til to månader, så det er veldig kjekt å endeleg kunne lansera den. Dette bør alle få med seg, seier han.

Festivalen lokkar også med to nye slepp på rad før helga. Både torsdag og fredag kveld blir nye artistar lansert for festivalen. Kven desse artistane er, kan du lesa på tysnesbladet.no så fort artistane er sleppte. Frå før er artistar og band som Tix, Hellbillies, CC Cowboys, Hjerteslag og Highasakite bekrefta klare til Tysnesfest.


Siste saker Gå til framsida

Lesarbrev: Takk til alle heltene som jobber i dagligvarebutikkene i Vestland

I møtet med koronakrisen trer nå mange helter fram. Mange i samfunnskritiske funksjoner jobber på spreng. Det viser tydeligere enn noen gang hvor viktige disse funksjonene er. Som næringsminister vil jeg gjerne rette en spesiell takk til alle heltene i butikkene. Som hver dag stiller på jobb for å sikre mat på bordet til alle oss andre, de som sitter i front og de som står på for å sikre at...

No skal klokka stillast igjen

Det er mykje som er endra i samfunnet i desse koronatider, men ein ting går som planlagt: overgangen til sommartid. Natt til søndag skal nemleg klokka stillast ein time fram, og dei som skal tidleg opp på jobb får ein time mindre på puta. Til gjengjeld kan me i tida framover nyta ljosare kveldar.

– Me har opplevd utruleg god støtte

SvingenPuls er blant verksemdene som har måtta stengja som eit resultat av koronatiltaka. Leiar Marthe G. Birkeland prøver å gjera det beste ut av situasjonen, og set stor pris på støtta frå medlemmane.