SAMTYKKE: Tysnes kommune har fått det naudsynte samtykket frå Arbeidstilsynet til å starta arbeidet på skuleplassen på Gjerstad. (Arkivfoto)
SAMTYKKE: Tysnes kommune har fått det naudsynte samtykket frå Arbeidstilsynet til å starta arbeidet på skuleplassen på Gjerstad. (Arkivfoto)

Har fått samtykke frå Arbeidstilsynet

Kommunen frykta utsetjing av oppstart på skuleutbygginga på Gjerstad, men fekk positiv tilbakemelding frå Arbeidstilsynet i førre veke.
Publisert 05.02.2020 kl. 07.55. Oppdatert kl. 09.43.

– Det har heldigvis ordna seg, fortel prosjektsjef i kommunen, Haakon Haaland.

I formannskapet for to veker sidan orienterte han om status for bygging av det nye mellomtrinnet ved Tysnes skule, og fortalde blant anna at lang saksbehandlingstid hos Arbeidstilsynet kunne føra til forseinkingar på prosjektet.

På grunn av omorganisering og innføringa av regionreforma har Arbeidstilsynet fått eit etterslep når det gjeld saksbehandling, og dei har tidlegare meldt til kommunen at det kunne bli lang saksbehandlingstid.

– I utgangspunktet skulle dei ikkje behandla denne saka før i slutten av februar, opplyser Haaland.

Sidan skuleområdet framleis skal vera ein arbeidsplass under utbygginga, krevst det eit samtykke frå Arbeidstilsynet før arbeidet på skuleplassen kan gå i gang.

– Eg var veldig bekymra, og eigentleg litt frustrert. Det er ikkje så mykje me kunne ha gjort medan me venta på samtykket, seier prosjektsjefen.

I førre veke fekk kommunen gladmeldinga om at saka er i orden frå Arbeidstilsynet si side.

– Samtykket dukka opp i postkassa førre torsdag. Det var absolutt ein lette. No fekk me samtykket i slutten av januar i staden for i midten av mars. Då kunne prosjektet fort ha blitt forseinka, fortel Haaland.

At samtykket er på plass betyr at det meir eller mindre er klart for fyrste spadetak på området.

– Me held framleis på med miljøsanering, og så må me ha igangsetjingsløyve. Det er i grunnen berre ein formalitet, avsluttar Haaland.


Siste saker Gå til framsida

Frå tømrar til byggingeniør

Sindre Økland starta yrkeslivet som fagutdanna tømrar, før han forsette med ei teoretisk utdanning og enda opp som byggingeniør.

Leiar: Nytt veterinærkontor er gladnytt for Tysnes

Måndag var det offisiell opning av det nye veterinærkontoret på Tysnes. Det er godt nytt for lokalsamfunnet Tysnes. Å ha eit lokalt veterinærkontor i kommunen som også er eit smådyrkontor, har lenge vore eit sakn. Det er positivt at ein har veterinærar som vågar å satsa på dette. Så får me berre håpa at det nye...