TILBAKE TIL TYSNES: I 2015 spelte Bjørn Eidsvåg på Gjerstad sist. No kjem han tilbake til ein ny Tysnesfest-konsert. (Arkivfoto: Vidar Alfarnes)
TILBAKE TIL TYSNES: I 2015 spelte Bjørn Eidsvåg på Gjerstad sist. No kjem han tilbake til ein ny Tysnesfest-konsert. (Arkivfoto: Vidar Alfarnes)

Tilbake for tredje gong

Fem år etter førre tur til Tysnesfest, kjem Bjørn Eidsvåg tilbake torsdag 9. juli.
Publisert 06.02.2020 kl. 18.00.

– Det er nokre artistar me verkeleg toler gjensyn av, og Bjørn Eidsvåg er definitivt ein av desse, seier dagleg leiar i festivalen, Øystein Vaage.

Den folkekjære artisten har vore på Tysnesfest to gongar tidlegare, seinast i 2015. I juli blir han ein del av torsdagsprogrammet under festivalen.

– No var det på tide å få besøk av han igjen, seier Vaage.

Bjørn Eidsvåg har vore aktiv sidan 70-talet, og har gjeve ut 25 album. Han har vunne fire spelemannsprisar, og har dei siste åra vore aktuell med sitt eige teaterstykke «Etterlyst: Jesus», og sjølvbiografien «Tro og trass».

Rockepresten kjem til Gjerstad med fullt band.

– Nye songar skal presenterast for publikum, gamle låtar skal pussast opp og kjende songar skal spelast som dei er. Me er klare og gler oss, seier Eidsvåg sjølv.

Eidsvåg-sleppet er eit av tre Tysnesfest-slepp tre dagar på rad. I går, onsdag, blei Village People lansert til festivalen, og i morgon kveld kjem eit nytt artistslepp. Kven det blir kan, du lesa på tysnesbladet.no så fort artisten er publisert.


Siste saker Gå til framsida

Lesarbrev: Takk til alle heltene som jobber i dagligvarebutikkene i Vestland

I møtet med koronakrisen trer nå mange helter fram. Mange i samfunnskritiske funksjoner jobber på spreng. Det viser tydeligere enn noen gang hvor viktige disse funksjonene er. Som næringsminister vil jeg gjerne rette en spesiell takk til alle heltene i butikkene. Som hver dag stiller på jobb for å sikre mat på bordet til alle oss andre, de som sitter i front og de som står på for å sikre at...

No skal klokka stillast igjen

Det er mykje som er endra i samfunnet i desse koronatider, men ein ting går som planlagt: overgangen til sommartid. Natt til søndag skal nemleg klokka stillast ein time fram, og dei som skal tidleg opp på jobb får ein time mindre på puta. Til gjengjeld kan me i tida framover nyta ljosare kveldar.

– Me har opplevd utruleg god støtte

SvingenPuls er blant verksemdene som har måtta stengja som eit resultat av koronatiltaka. Leiar Marthe G. Birkeland prøver å gjera det beste ut av situasjonen, og set stor pris på støtta frå medlemmane.