SIRKUS: Lemaitre er klar for Tysnesfest, og tek med seg ei rekkje gjesteartistar i sitt sirkuskonsept. (Pressefoto)
SIRKUS: Lemaitre er klar for Tysnesfest, og tek med seg ei rekkje gjesteartistar i sitt sirkuskonsept. (Pressefoto)

Lemaitre tar med seg stjernelag til Tysnesfest

Superduoen Lemaitre kjem til Gjerstad med ein konsertopplegg utanom det vanlege.
Publisert 07.02.2020 kl. 18.00. Oppdatert kl. 18.01.

Det melder Tysnesfest i ei pressemelding. Lemaitre er det siste artistsleppet til Tysnesfest 2020, og dei tek med seg ei rekkje artistar og underhaldarar til festivalen. Dei skal avslutta fredagskvelden, og kjem med sitt nye konsertkonsept Sirkus Lemaitre.

Lemaitre er ein elektronikaduo beståande av Ketil Jansen og Ulrik Denizou Lund. Dei slo gjennom for fullt som Urørt-finalistar i 2012 og med nominasjon som Årets nykommar på P3 Gull i 2013.

I tillegg til å vera eit annerkjend norsk namn, har Lemaitre også bemerka seg i utlandet. Duoen heldt til i Los Angeles og har spelt på store musikkfestivalar som Coachella og Lollapalooza. Megahiten «Closer» har over 80 millionar avspelingar på Spotify, og låtane deira har blitt brukt i reklamesamanheng av både Apple, Google og Facebook.

Sirkuskonseptet som dei kjem til Tysnesfest med, er eit konsept der dei har med seg fleire annerkjende norske artistar, eit stort live-band og underhaldning mellom dei musikalske innslaga. Sirkusdirektør er komikar Josif Jonis, som vil opptre med stand-up mellom slaga.

Dei andre artistane som skal bidra på Gjerstad er EMIR, som for to år sidan spelte på Tysnesfest som ein del av Sushi X Kobe, Gjøvik-artisten Anna of the North, samt P3 Gull-vinnar av Årets nykommar 2019, Isah. I tillegg kjem gitarist og P3-profil Markus Neby, som skal leia live-bandet.

«Sirkus Lemaitre gjekk av stabelen for fyrste gong heilt i slutten av januar i år, og vår utskremte «anmeldar» meldte tilbake om ein sjuk stemning, heftig lys- og sceneshow, og ho meinte me har noko svært kjekt i vente som avslutning på fredagen under Tysnesfest 2020», skriv Tysnesfest i ei pressemelding.

Sirkus Lemaitre går som nemnt inn i fredagsprogrammet saman med Stavangerkameratane, CC Cowboys og Highasakite.

Sirkus Lemaitre er det siste av tre festivalslepp tre dagar på rad. Onsdag blei Village People lansert, og torsdag blei Bjørn Eidsvåg stadfesta klar for festivalen.




ANERKJENDE: Elektronikaduoen Lemaitre har bygd seg opp eit stort namn både nasjonalt og internasjonalt. (Pressefoto)
ANERKJENDE: Elektronikaduoen Lemaitre har bygd seg opp eit stort namn både nasjonalt og internasjonalt. (Pressefoto)
RETUR: EMIR er ein av artistane Lemaitre har med seg. EMIR opptredde sist på Tysnesfest i 2018 som ein del av Sushi X Kobe. (Pressefoto: Morgan Normann)
RETUR: EMIR er ein av artistane Lemaitre har med seg. EMIR opptredde sist på Tysnesfest i 2018 som ein del av Sushi X Kobe. (Pressefoto: Morgan Normann)
DIREKTØR: Komikar Josif Jonis er hyra inn som sirkusdirektør, og skal ha stand-up mellom dei musikalse innslaga. (Pressefoto)
DIREKTØR: Komikar Josif Jonis er hyra inn som sirkusdirektør, og skal ha stand-up mellom dei musikalse innslaga. (Pressefoto)

Siste saker Gå til framsida

Lesarbrev: Takk til alle heltene som jobber i dagligvarebutikkene i Vestland

I møtet med koronakrisen trer nå mange helter fram. Mange i samfunnskritiske funksjoner jobber på spreng. Det viser tydeligere enn noen gang hvor viktige disse funksjonene er. Som næringsminister vil jeg gjerne rette en spesiell takk til alle heltene i butikkene. Som hver dag stiller på jobb for å sikre mat på bordet til alle oss andre, de som sitter i front og de som står på for å sikre at...

No skal klokka stillast igjen

Det er mykje som er endra i samfunnet i desse koronatider, men ein ting går som planlagt: overgangen til sommartid. Natt til søndag skal nemleg klokka stillast ein time fram, og dei som skal tidleg opp på jobb får ein time mindre på puta. Til gjengjeld kan me i tida framover nyta ljosare kveldar.

– Me har opplevd utruleg god støtte

SvingenPuls er blant verksemdene som har måtta stengja som eit resultat av koronatiltaka. Leiar Marthe G. Birkeland prøver å gjera det beste ut av situasjonen, og set stor pris på støtta frå medlemmane.