JUBLANDE PUBLIKUM: Komikar Hans Morten Hansen hausta stor jubel under førestellinga på Mandelhuset laurdag kveld.
JUBLANDE PUBLIKUM: Komikar Hans Morten Hansen hausta stor jubel under førestellinga på Mandelhuset laurdag kveld.

Jubelstemning på humorkveld på Mandelhuset

Det var tett med gjester og stormande jubel på Mandelhuset då komikar Hans Morten Hansen opptrådde laurdag kveld.
Publisert 09.02.2020 kl. 20.04. Oppdatert kl. 20.23.

Komikaren med tysnesrøter og stavangerdialekt hausta jubel då han vitja Mandelhuset i haust. Interessa for å få med seg humorkvelden med den same Hansen var stor også denne gongen. Dagleg leiar Patrick Madtsen på Mandelhuset kunne tidleg melda om fullt hus og utseld til kvelden. Mange av gjestene hadde bestilt både middag og billett til humorkvelden.

I ein times tid, frå i nitida om kvelden og til litt over ti, fekk ein vera med på humorreisa til komikaren, eller Rikskomikar nummer ein, som Patrick Madsen tittulerte han som då Madsen ynskte både han og gjestene velkomne til førestellinga.

Hans Morten Hansen har sterke tysnesrøter. Mor hans var fødd på Neshamn, og der har han hytte i dag. Ei hytte som blir brukt både sommar og vinter. Farsslekta skal visst nok også ha kome frå Tysnes, i 1521, om me skal tru komikaren rett.

Latterkrampane var det mange av i løpet av humorkvelden; som då han fortalde om sin eigen idrettskarriere som fotballspelar på venstre benk på stavangerlaget Hinna IL. Karrieren tok brått slutt då han skulle stumpa røyken under ein fotballkamp. Korsbandet i høgre kne rauk under manøveren med å vri foten for å sløkkja røyken. For han sjølv bar det rett til sjukehus. Sikkert den einaste her til lands som dette har skjedd med.

– Men no har eg lagt fotballen på hylla, prokamerte han for eit jublande publikum.

Undervegs i førestellinga var han innom mange ulike tema. Og publikum var med. Så tett var han på publikum, at då nokre av gjestene måtte ha ein liten snartur på toalettet, tok han like godt ein pause, slik at alle skulle få med seg alt som blei sagt frå scenen.

Det var under ein av desse pausane at Andreas Lavik Frøkedal nytta høvet til å ta turen fram på scenen, der han blei godt teken imot av Hans Morten Hansen. Andreas nytta høvet til å snakka varmt om den internasjonale epilepsidagen, som er måndag 10. februar. Andreas lurte på om Hans Morten tenkja seg å ta imot og gå med epilepsiforeininga si lilla sløyfe. Det sa han ja til, til stor glede for Andreas. Den lilla sløyfa hadde han på seg resten av kvelden.

Og då gjestene var tilbake på stolane sine, heldt komikaren fram. Me fekk høyra om eigne erfaringar med yoga, barneoppdraging, vegetarianarkost og annan kost, om James Bond og fjernsynet i tidleg alder.

– Eg var tolv år då eg skjøna at akvariefiskane hadde fargar, fortalde han med glimt i auga.



JA TIL LILLA SLØYFE: Framfor fullt hus med gjester på Mandelhuset sa Hans Morten Hansen ja til forespørselen frå Andreas Lavik Frøkedal om han kunne tenkja seg å gå med lilla sløyfe for å vera med å markera Den internasjonale epilepsidagen, som er 10. februar.
JA TIL LILLA SLØYFE: Framfor fullt hus med gjester på Mandelhuset sa Hans Morten Hansen ja til forespørselen frå Andreas Lavik Frøkedal om han kunne tenkja seg å gå med lilla sløyfe for å vera med å markera Den internasjonale epilepsidagen, som er 10. februar.
GLIMT I AUGA: Gullkorna var mange under den timelange førestellinga. Komikaren sjølv trekte også på smilelbandet innimellom.
GLIMT I AUGA: Gullkorna var mange under den timelange førestellinga. Komikaren sjølv trekte også på smilelbandet innimellom.

Siste saker Gå til framsida

Har fått full finansiering

Leiar i Tysnes hundeklubb, Maren Leite, er strålande nøgd med å ha fått full støtte til å kjøpa inn gjerde til hundeparken på Gjerstad.

Lesarbrev: Frå psykososial rehabilitering til eiga stove i desse dagar

Eg fekk den 23.03.2020 avbrote mitt opphald på Røysumtunet rehabiliteringssenter for epilepsi fleire veker før tida på grunn av auka smittefare for koronaviruset. Dei byrja med å senda heim brukarar som nevrologane vurderte som forsvarleg å senda heim fyrst. I dag er den avdelinga stengd inntil vidare.No har eg vore heime ei lita veka, og hovudet mitt er byrja å tetta seg litt med...

Får selja frukt og bakevarar i lausvekt, men ikkje smågodt

I det ekstraordinære formannskapsmøtet tysdag blei den lokale koronaforskrifta om sal av lausvektsvarer endra. No kan butikkane på Tysnes igjen selja frukt og bakevarer utan å pakka dei inn på førehand. Forbodet mot å selja smågodt i lausvekt blir derimot vidareført.– Då me vedtok denne forskrifta, så såg me for oss varer som gjerne var eksponert for smitte. Og så ser me no at me gjerne...