GOD PÅ STREK: Det var ikkje lett å scora mål mot Bergen 2, men Linda Flornes (t.h.) prøvde etter beste evne.
GOD PÅ STREK: Det var ikkje lett å scora mål mot Bergen 2, men Linda Flornes (t.h.) prøvde etter beste evne.

– Me tapte mot eit mykje betre lag

Det seier trenar Terje Sløgedal etter heimekampen mot Bergen 2 søndag, som enda 15-26.
Publisert 10.02.2020 kl. 12.30. Oppdatert kl. 12.50.

Tysnes IL sitt damelag har hatt ein tøff sesong, og står no med fire sigrar, to uavgjort og ti tap. Det gjev 8. plass på tabellen i 5. divisjon, der Tysnes må bryna seg mot fleire opprykkssvoltne lag.


Hengde med i starten

Det såg ikkje så gale ut i starten då tysnesdamene tok imot Bergen 2 på søndag. Ragnhild Dalland redda dei fyrste ballane som kom imot henne, og Linda Flornes scora det fyrste målet i kampen. Så kom ei utlikning, før Anni Elise Trondsen Dalland fekk Tysnes opp i leiinga igjen med mål på straffe.

Men så byrja det å gå nedover for heimelaget målmessig, og halvvegs i fyrste omgang stod det 4-8 på tavla.

Tysnes miste kontroll på ballen litt for ofte, og sleit med å få til gode avslutningar. Det hjelpte heller ikkje på at fleire av motstandarane var høge og eksplosive, og nærmast kom som ei tsunami-bølge mot heimelaget sitt forsvar.

Pauseresultatet vart 9-14.


Ris og ros

Etter pause heldt gjestene fram med å auka leiinga, medan Tysnes sakka akterut. Det vart tidleg klart at blåtrøyene ikkje kunne henta seg inn att i kampen, og måldifferansen vaks seg stadig større. Då tida var ute, var gjestelaget 11 mål overlegne.

– Me tapte mot eit mykje betre lag, seier trenar Terje Sløgedal etter kampslutt.

Det er særleg angrepsspelet til Tysnes som burde ha vore betre.

– Me blir for låge, og får for lite fart, utdjupar han.

Han skryter likevel over stå på-viljen til spelarane, og seier at dei tek med seg det positive.

– Og så vil eg gje ros til Emma, sluttar han med eit smil, og refererer til J16-keeperen sin flotte innsats i Tysnes-målet i slutten av kampen, då ho avløyste Dalland.

Ifølgje terminlista har tysnesdamene no fire kampar igjen før sesongen er over.


Desse var med:

Emma Marie Elgsås Bruntveit, Signe Pettersen Opdal (1), Maria Lillesletten Hagen (3), Ragnhild Dalland, Sara Reimdal Vee (3), Anni Elise Trondsen Dalland (4), Norunn Ebbesvik (1), Julie Bakke, Renathe Hagen-Lunde (1), Mia Jensen Nes og Linda Flornes (2).



TOPPSCORAR: Anni Elise Trondsen Dalland har blitt ein viktig spelar på damelaget. Ho blei toppscorar på søndag med sine fire mål.
TOPPSCORAR: Anni Elise Trondsen Dalland har blitt ein viktig spelar på damelaget. Ho blei toppscorar på søndag med sine fire mål.
TØFF JOBB: Tysnesdamene måtte vera fullt skjerpa i forsvar for å prøva å avgrensa tapet. T.v. står Julie Bakke.
TØFF JOBB: Tysnesdamene måtte vera fullt skjerpa i forsvar for å prøva å avgrensa tapet. T.v. står Julie Bakke.
PÅ 7-METEREN: Maria Lillesletten Hagen gjer seg klar til å ta straffe for Tysnes.
PÅ 7-METEREN: Maria Lillesletten Hagen gjer seg klar til å ta straffe for Tysnes.
TRENAR: Her kjem Terje Sløgedal med nokre motiverande ord til laget sitt i den siste timeout’en.
TRENAR: Her kjem Terje Sløgedal med nokre motiverande ord til laget sitt i den siste timeout’en.
FOR RASK: Her må Anni Elise Trondsen Dalland (t.v.) og Norunn Ebbesvik gje tapt mot ei kontring.
FOR RASK: Her må Anni Elise Trondsen Dalland (t.v.) og Norunn Ebbesvik gje tapt mot ei kontring.

Siste saker Gå til framsida

Frå tømrar til byggingeniør

Sindre Økland starta yrkeslivet som fagutdanna tømrar, før han forsette med ei teoretisk utdanning og enda opp som byggingeniør.

Leiar: Nytt veterinærkontor er gladnytt for Tysnes

Måndag var det offisiell opning av det nye veterinærkontoret på Tysnes. Det er godt nytt for lokalsamfunnet Tysnes. Å ha eit lokalt veterinærkontor i kommunen som også er eit smådyrkontor, har lenge vore eit sakn. Det er positivt at ein har veterinærar som vågar å satsa på dette. Så får me berre håpa at det nye...