EKSTREMVER: Ekstremveret natt til tysdag gjekk hardt utover Bruntveit Handel. Floa gjekk 15 centimeter over butikkgolvet. (Begge foto: Hanne Bruntveit)
EKSTREMVER: Ekstremveret natt til tysdag gjekk hardt utover Bruntveit Handel. Floa gjekk 15 centimeter over butikkgolvet. (Begge foto: Hanne Bruntveit)

Floa gjekk inn i butikken på Bruntveit

Bruntveit Handel er ein av dei som blei hardast råka av ekstremveret «Elsa» på Tysnes.
Publisert 11.02.2020 kl. 13.15.

– Sjøen gjekk 15 centimeter over golvet i butikklokalet, fortel Lene Bergesen Kleppe, dagleg leiar ved Bruntveit Handel.

Dette er den høgaste floa dei tilsette på butikken har registrert nokon gong. Anne Karin Bruntveit har jobba på butikken sidan 1998.

Dei var førebudde på at floa kom til å gå høgt. Ikkje berre måtte alle varene som stod på golvet flyttast opp, også varene som stod i den fyrste hylla måtte flyttast høgare opp.

Floa var på det høgaste kring midnatt.

– Me var på jobb frå klokka halv elleve i går kveld til halv tre i natt, fortel Lene Bergesen Kleppe.

Også på lageret gjekk floa inn i lokalet. Der var det også varer som måtte flyttast opp for å unngå skade.

Tysdag føremiddag er dei fire personar på jobb for å rydda og tørka opp etter stormfloa, og for å få maskiner og utstyr i gang att.

– Så langt ser det bra ut. Dei maskinane me har fått i gang att, startar som dei skal, fortel Kleppe.


SJØSTØVLAR PÅ JOBB: Fire personar var på jobb til klokka halv tre natt til tysdag. Sjøstøvlar måtte til for å gjera jobben med å flytta varer.
SJØSTØVLAR PÅ JOBB: Fire personar var på jobb til klokka halv tre natt til tysdag. Sjøstøvlar måtte til for å gjera jobben med å flytta varer.

Siste saker Gå til framsida

Lesarbrev: Takk til alle heltene som jobber i dagligvarebutikkene i Vestland

I møtet med koronakrisen trer nå mange helter fram. Mange i samfunnskritiske funksjoner jobber på spreng. Det viser tydeligere enn noen gang hvor viktige disse funksjonene er. Som næringsminister vil jeg gjerne rette en spesiell takk til alle heltene i butikkene. Som hver dag stiller på jobb for å sikre mat på bordet til alle oss andre, de som sitter i front og de som står på for å sikre at...

No skal klokka stillast igjen

Det er mykje som er endra i samfunnet i desse koronatider, men ein ting går som planlagt: overgangen til sommartid. Natt til søndag skal nemleg klokka stillast ein time fram, og dei som skal tidleg opp på jobb får ein time mindre på puta. Til gjengjeld kan me i tida framover nyta ljosare kveldar.

– Me har opplevd utruleg god støtte

SvingenPuls er blant verksemdene som har måtta stengja som eit resultat av koronatiltaka. Leiar Marthe G. Birkeland prøver å gjera det beste ut av situasjonen, og set stor pris på støtta frå medlemmane.