FLAUM: Vatnet gjekk høgt over fylkesvegen på Epland søndag ettermiddag. (Alle foto: Anna Sofie Epland)
FLAUM: Vatnet gjekk høgt over fylkesvegen på Epland søndag ettermiddag. (Alle foto: Anna Sofie Epland)

Verste flaumen på 40 år

Ekstremregnet søndag ettermiddag førte til flaum over fylkesvegen på Epland.
Publisert 12.02.2020 kl. 10.16.

– Me har aldri opplevt noko så ille som dette, seier Anna Sofie Epland, som saman med mannen Endre bygde nytt hus like ved fylkesvegen på Epland i 1979.

Det var ikkje berre søndag det regna mykje. Det kom mykje regn laurdag også. Men det var fyrst søndag ettermiddag at det blei så ille at det fløymde over fylkesvegen.

– Det må ha vore i fire-fem-tida søndag ettermiddag at det blei så mykje vatn at bilane hadde problem med å koma seg forbi, fortel Anna Sofie Epland.

Ho såg nesten kor vatnet steig minutt for minutt. Kor høgt over vegen vatnet gjekk, har ho ikkje nøyaktig mål på, men slik det såg ut på bilane, trur ho det må ha vore kring ein halvmeter.

Enkelte bileigarar køyrde gjennom vatnet, andre snudde og køyrde om Nordbustaddalen.

– Eg hadde ikkje teke risken dersom eg hadde hatt ein låg bil. Eg såg nokre bileigarar som fekk problem etterpå, seier Anna Sofie Epland.

Ei av dei som køyrde gjennom i halvfiretida, var Synnøve Kongsvik Hjelland.

Ho hadde då snakka med Mesta sin representant på Tysnes, Waldemar Søreide, som hadde sett opp skilt om flaum mellom Tveit og Holma.

– Eg kom meg så vidt gjennom, men det gjekk fint, seier ho.

Ifølgje Anna Sofie Epland slutta det å regna i halvsju-sju-tida om kvelden, og då forsvann overvatnet på kort tid.

• Les også: Floa gjekk inn i butikken på Bruntveit




KØYRDE GJENNOM: Denne bileigaren våga seg gjennom, og det gjekk bra.
KØYRDE GJENNOM: Denne bileigaren våga seg gjennom, og det gjekk bra.
SNUDDE: Andre bileigarar snudde og la vegen om Nordbustaddalen.
SNUDDE: Andre bileigarar snudde og la vegen om Nordbustaddalen.
40-ÅRSFLAUM: Vatnet står høgt oppå busstoppskiltet til høgre. Det har ikkje vore så stor flaum på 40 år på Epland.
40-ÅRSFLAUM: Vatnet står høgt oppå busstoppskiltet til høgre. Det har ikkje vore så stor flaum på 40 år på Epland.

Siste saker Gå til framsida

Lesarbrev: Takk til alle heltene som jobber i dagligvarebutikkene i Vestland

I møtet med koronakrisen trer nå mange helter fram. Mange i samfunnskritiske funksjoner jobber på spreng. Det viser tydeligere enn noen gang hvor viktige disse funksjonene er. Som næringsminister vil jeg gjerne rette en spesiell takk til alle heltene i butikkene. Som hver dag stiller på jobb for å sikre mat på bordet til alle oss andre, de som sitter i front og de som står på for å sikre at...

No skal klokka stillast igjen

Det er mykje som er endra i samfunnet i desse koronatider, men ein ting går som planlagt: overgangen til sommartid. Natt til søndag skal nemleg klokka stillast ein time fram, og dei som skal tidleg opp på jobb får ein time mindre på puta. Til gjengjeld kan me i tida framover nyta ljosare kveldar.

– Me har opplevd utruleg god støtte

SvingenPuls er blant verksemdene som har måtta stengja som eit resultat av koronatiltaka. Leiar Marthe G. Birkeland prøver å gjera det beste ut av situasjonen, og set stor pris på støtta frå medlemmane.