Sjeldsynt visitt ved Tysnes Sjø og Fritid

Marianne Elgsås fekk sjå spekkhoggarar på nært hald.
Publisert 13.02.2020 kl. 19.40.

– Det var heilt magisk, seier Marianne, som aldri har sett spekkhoggarar før, verken på nært eller fjernt hald.

Det var i 13:30-tida torsdag ettermiddag at ho berre skulle ha seg ein kopp kaffi og lesa nokre papir før jobb, at ho høyrde ein uvanleg lyd utanfor Kompasset Bar og Spiseri.

– Eg lurte først på kva dette kunne vera for noko, seier Marianne.

Då ho gjekk ut av lokalet for å sjå, var ho ikkje tvil om kva det var ho hadde høyrt.

– Men eg var litt for seint ute med å fiska opp kameraet. Så eg og dottera mi Veronika stod ute og fraus i håp om at dei skulle komma tilbake, fortel ho.

Dei følgde spekkhoggarane med augo i ti minutt, før dei til alt hell kom nærare og nærare og til slutt heilt inn til land.

– Det er veldig store dyr, og det var ei heilt fantastisk oppleving, fortel ho.


STORE DYR: Spekkhoggarar er eit relativt sjeldant syn på Tysnes. Dette bildet blei teke i i Husnesfjorden for knappe to år sidan. (Foto: John Tye)
STORE DYR: Spekkhoggarar er eit relativt sjeldant syn på Tysnes. Dette bildet blei teke i i Husnesfjorden for knappe to år sidan. (Foto: John Tye)

Siste saker Gå til framsida

Leiar: Nytt veterinærkontor er gladnytt for Tysnes

Måndag var det offisiell opning av det nye veterinærkontoret på Tysnes. Det er godt nytt for lokalsamfunnet Tysnes. Å ha eit lokalt veterinærkontor i kommunen som også er eit smådyrkontor, har lenge vore eit sakn. Det er positivt at ein har veterinærar som vågar å satsa på dette. Så får me berre håpa at det nye...