REKRUTTERINGSKONSERT: Musikantar frå Sjøforsvarets musikkorps vitja Tysnes for å inspirera skuleelevane på Tysnes til å bli med i Tysnes skulekorps.
REKRUTTERINGSKONSERT: Musikantar frå Sjøforsvarets musikkorps vitja Tysnes for å inspirera skuleelevane på Tysnes til å bli med i Tysnes skulekorps.

Sjøforsvarets musikkorps spelte rekrutteringskonsert

I dag var musikantar frå Sjøforsvarets musikkorps på besøk i Tysneshallen for å spela konsert for Tysnes skule.
Publisert 14.02.2020 kl. 14.18.

– Dei var ganske flinke, seier Hilda Stien (11), som er med i Tysnes skulekorps.

I samarbeid med Norges Musikkorps Forbund (NMF) reiser musikantar frå Sjøforsvarets musikkorps rundt til ulike skular i Bergen og omeign for å inspirera elevar til å bli med i dei lokale skulekorpsa.

– Dei var her for å visa kor gøy det er å spela i korps, og slikt er viktig, viss me skal fortsetja, meiner Hilda.

Ho syntest det var stas at Tysnes skulekorps fekk vera med å spela ein av songane i lag med musikantane.

Blant publikummarane fann me Vilde Aasen (11), som ikkje endå er med i noko korps. Men ho er glad i musikk, og spelar piano heime.

– Dei var veldig flinke, og eg blei litt inspirert, seier ho, og fortel at ho kanskje er interessert i å byrja å spela kornett etter kvart.


STOR STAS: Hilda Stien (11) fekk spela i lag med gjestane, og ho synest det er viktig å inspirera fleire til å bli med i skulekorps. T.h. Vilde Aasen (11), som var tilhøyrar.
STOR STAS: Hilda Stien (11) fekk spela i lag med gjestane, og ho synest det er viktig å inspirera fleire til å bli med i skulekorps. T.h. Vilde Aasen (11), som var tilhøyrar.

Siste saker Gå til framsida

Frå tømrar til byggingeniør

Sindre Økland starta yrkeslivet som fagutdanna tømrar, før han forsette med ei teoretisk utdanning og enda opp som byggingeniør.

Leiar: Nytt veterinærkontor er gladnytt for Tysnes

Måndag var det offisiell opning av det nye veterinærkontoret på Tysnes. Det er godt nytt for lokalsamfunnet Tysnes. Å ha eit lokalt veterinærkontor i kommunen som også er eit smådyrkontor, har lenge vore eit sakn. Det er positivt at ein har veterinærar som vågar å satsa på dette. Så får me berre håpa at det nye...