LIKAR ANSVAR: Renathe Hagen Lunde (24) har allereie jobba mange år i Alsaker-konsernet, og er no blitt lokalitetsansvarleg på Lindarholmen. (Alle foto: Camilla Korsnes)
LIKAR ANSVAR: Renathe Hagen Lunde (24) har allereie jobba mange år i Alsaker-konsernet, og er no blitt lokalitetsansvarleg på Lindarholmen. (Alle foto: Camilla Korsnes)

24 år og lokalitetsansvarleg

– Eg hadde aldri trudd eg skulle enda opp her, seier Renathe Hagen Lunde.
Publisert 14.02.2020 kl. 15.00.

«Tysnes» treffer ho for å finna ut meir om kvifor ei ung jente som ikkje er spesielt glad i fisk, har takka ja til ei leiarstilling i oppdrettsnæringa.


– Eg er her endå

Då Renathe søkte seg inn på TAF (tekniske og allmenne fag), sende rådgjevaren på skulen henne på dagsbesøk til oppdrettsanlegget Onarøy for å få eit innblikk i kva ho hadde søkt på.

– Eg grein nesten då eg kom heim att til mamma, fordi eg hadde søkt på desse greiene her, ler ho.

– Me tok fargeprøver, og delte fisken i tre. Det var mykje blod, og eg takla ikkje slikt. Så eg var heilt dårleg, og skulle aldri jobba med dette her. Men eg er no her endå, ni år seinare, smiler ho.


Angrar ikkje

Renathe byrja likevel på TAF-linja i Fusa i 2011, og hadde heile læretida i Alsaker-konsernet.

– I 1. klasse gjekk me naturbruk, og i 2. klasse skulle me ha meir om lakseoppdrett. Eg kvidde meg, og brydde meg ikkje om lakseoppdrett, medan dei andre gledde seg til å læra om det me hadde søkt på. Eg vurderte å skifta fag, men så fortsette eg, fortel ho.

– Kvifor fortsette du?

– Eg hadde jo starta, så eg kunne like godt fortsetja. Og eg angrar ikkje på det no. På ingen måte, seier ho.

– Eg har ein fast jobb som eg likar, og eg har vore innom mykje spanande. Men eg hadde aldri trudd eg skulle enda opp her.


Likar ansvar

I juni 2018 starta ho i Tysnes Fjordbruk, før ho gjekk inn i morspermisjon i november 2018.

– Eg tok eitt års permisjon, og så søkte eg meg inn her, fortel ho.

– Kvifor lokalitetsleiar?

– Eg er glad i å ha ansvar.

– Kor stort ansvar har du?

– Eg har ansvaret for fisken. Skjer det noko, er det eg som får kjeften. Men eg jobbar alltid i lag med nokon, så sjølv om eg har ansvaret, er eg ikkje åleine. Elles er det ein del papirarbeid, då.


Likar ikkje å sitja i ro

Når me spør kva som er det kjekkaste med jobben, svarar Renathe at ho likar å få vera ute og jobba.

– Er det ikkje litt kaldt å jobba ute året rundt?

– Nei, seier ho, utan å nøla.

– Det har vel med at ein likar det. Det er sjølvsagt ikkje gøy å stå ute i piskande regn og vind som blæs sidevegs, men når du kjem heim og er tørr fordi du har hatt på deg nok klede, så går det jo fint likevel.

– Kva er den største utfordringa?

– Eg veit ikkje om det er så mange utfordringar. Eg kosar meg på jobb. Eg har ein variert kvardag, i ein sikker jobb, nær heimen. Men eg er ikkje så glad i å sitja og fôra. Det er eg glad i å rullera på, for å seia det sånn.


Noko for deg?

Renathe vil gjerne tilrå fleire til å våga å sjå i same retning som ho sjølv, så lenge ein likar å ta i eit tak og kan jobba i all slags vêr.

– Mange tenkjer kanskje «fisk, æsj, nei». Men når ein er kledd i arbeidstøy speler det ikkje nokon rolle at fisk er «æsj». Men når eg er med pappa ut og fiskar på fritida, då skal eg ikkje ta i fisken.


DRIFTIG: Renathe er ikkje redd for å ta i eit tak, og likar at ho får vera mykje ute i jobben sin.
DRIFTIG: Renathe er ikkje redd for å ta i eit tak, og likar at ho får vera mykje ute i jobben sin.
FÔR: Litt handforing kan vera greitt for å sjekka fisken sin appetitt.
FÔR: Litt handforing kan vera greitt for å sjekka fisken sin appetitt.
VEDLIKEHALD AV KRANE: Arbeidskvardagen til Renathe består av langt meir enn å «berre» passa på laksen.
VEDLIKEHALD AV KRANE: Arbeidskvardagen til Renathe består av langt meir enn å «berre» passa på laksen.
SJØVAND: Båtkøyring er ein sentral del av jobben som røktar.
SJØVAND: Båtkøyring er ein sentral del av jobben som røktar.
PÅ RETT PLASS: Jenta frå Lunde er glad ho enda opp i oppdretts-bransjen, sjølv om ho eigentleg hadde tenkt til å bli lærar.
PÅ RETT PLASS: Jenta frå Lunde er glad ho enda opp i oppdretts-bransjen, sjølv om ho eigentleg hadde tenkt til å bli lærar.
LANDBASE PÅ MALKENES: «Jolnir» fungerer som arbeidsflåte for dei som jobbar på Lindarholmen-anlegget. Dei har også ein liten og meir hendig båt til disposisjon.
LANDBASE PÅ MALKENES: «Jolnir» fungerer som arbeidsflåte for dei som jobbar på Lindarholmen-anlegget. Dei har også ein liten og meir hendig båt til disposisjon.

Siste saker Gå til framsida

Lesarbrev: Takk til alle heltene som jobber i dagligvarebutikkene i Vestland

I møtet med koronakrisen trer nå mange helter fram. Mange i samfunnskritiske funksjoner jobber på spreng. Det viser tydeligere enn noen gang hvor viktige disse funksjonene er. Som næringsminister vil jeg gjerne rette en spesiell takk til alle heltene i butikkene. Som hver dag stiller på jobb for å sikre mat på bordet til alle oss andre, de som sitter i front og de som står på for å sikre at...

No skal klokka stillast igjen

Det er mykje som er endra i samfunnet i desse koronatider, men ein ting går som planlagt: overgangen til sommartid. Natt til søndag skal nemleg klokka stillast ein time fram, og dei som skal tidleg opp på jobb får ein time mindre på puta. Til gjengjeld kan me i tida framover nyta ljosare kveldar.

– Me har opplevd utruleg god støtte

SvingenPuls er blant verksemdene som har måtta stengja som eit resultat av koronatiltaka. Leiar Marthe G. Birkeland prøver å gjera det beste ut av situasjonen, og set stor pris på støtta frå medlemmane.