GODE RESULTAT: Pernilla Epland var godt under EM-kravet under dagens Barcelona halvmaraton, og gruste samstundes både personleg rekord og klubbrekord. (Foto: FB/Stord Friidrett)
GODE RESULTAT: Pernilla Epland var godt under EM-kravet under dagens Barcelona halvmaraton, og gruste samstundes både personleg rekord og klubbrekord. (Foto: FB/Stord Friidrett)

Klarte EM-kravet

Pernilla Epland var godt innanfor EM-kravet då ho i dag sprang inn til tida 1.13.10 på Barcelona halvmaraton.
Publisert 16.02.2020 kl. 12.47. Oppdatert kl. 13.02.

Tida hennar er òg ei solid forbetring av hennar personlege rekord, samt klubbrekorden, som frå 2018 har vore på 1.14.34, ifølgje Stord Friidrett sine Facebooksider.

EM-kravet er på 1.13.30.

– Ho disponerte løpet veldig bra med passering 17.14 på 5 km, 34.29 på 10km, 51.55 på 15km og 1.09.36 på 20 km, opplyser Stord Friidrett.

Dei legg til at ho heile vegen heldt følgje med Vienna Dahle frå Skjalg, som òg klarte EM-kravet med tida 1.13.19.


Siste saker Gå til framsida