HAUSTA TRAMPEKLAPP: Elevane i tiandeklasse haust både jubel og trampeklapp etter showet i Vonheim torsdag kveld. Fredag kveld er det ny framsyning.
HAUSTA TRAMPEKLAPP: Elevane i tiandeklasse haust både jubel og trampeklapp etter showet i Vonheim torsdag kveld. Fredag kveld er det ny framsyning.

Hausta trampeklapp etter flott 10. klasse-show

– Eg er mektig imponert over denne fantastiske gjengen, rosa inspektør ved Tysnes skule, Synnøve Vines, etter tiandeklassane sitt to-timar lange show i Vonheim torsdag kveld.
Publisert 21.02.2020 kl. 14.35.

Framfor ein nærast fullsett sal i Vonheim fekk avgangselevane ved Tysnes skule vist seg fram som talentfulle scenekunstnarar. Over to kveldar skal dei stå fram og visa det dei har øvd på med songar, dans og sketsjar.

– Eg har i den tida de har øvd sett korleis de har utfordra dykk sjølve, at det har vore masse følelsar, og at de no har klart å gjennomføra dette på ein fin måte. Eg er stolt og imponert over det de har presert, sa Vines framfor publiKum før ho delte ut ei rose til kvar enkelt av elevane. Og frå salen hausta elevane trampeklapp.

Blomar og fine ord vanka det også til musikklærar og showansvarleg Elin Bergesen.

– Å ha ansvar for musikkbiten for desse flinke elevane har vore ein draumejobb. Eg er stolt over dei alle saman, sa Elin i takkeorda sine.

Blomar vanka det også til kontaktlærarane Eva Kalgraf og Kari Lande, til andre medhjelparar på skulen og til lyd- og musikkansvarlege for prosjektet.


Stort og omfattande

For dei som var publikum torsdag kveld, var det ikkje så vanskeleg å sjå at 10. klasse-showet var eit prosjekt som det er lagt ned mykje arbeid i. Eit to timar langt program med mykje innsats.

På programmet stod det heile 20 ulike innslag, med fellessongen «The Final Countdown» som opning og «Den du veit» som avslutning. Og som tittelen forklarte; showet var bygt opp på tema frå 1980-talet, med både song, musikk og dans frå den tida. Elevane var flinke til å by på seg sjølve. Det var dei og i dei ulike sketsjane, med turninnslag, Mr. Olympia-sketsj, dating game og moteshow. Fleire filminnslag stod også på programmet, etter at det hadde vore ein pause midtvegs med kaker, kaffi og saft.

Tysnesnytt-sketsjen med lokale nyheiter frå 1980-talet vekte mykje latter i salen. Det var på den tida det var aktuelt med å gje løyve til ølsal i butikkane på Tysnes, som dei to nyheitsopplesarane Mathias Bakke og Daniel Bjoarvik hadde fanga med sine skråblikk. Skråblikk blei det og då dei kommenterte sportsresultat om Eva Kalgraf, Kari Lande og Øystein Bakke. Eller då Arne Kleppe spelte toppfotball i Molde, som dei måtte retta like etterpå; inn på øyret kom det melding om at det var Geir Austvik, og ikkje Arne.


– Kjempeflott

I salen denne fyrste kvelden av showet var det både familiemedlemer og andre. Ei av dei som hadde teke turen var bestemor Annemor Flygansvær frå Reksteren. Ho skryt uhemma av innsatsen til elevane.

– Dette var kjempeflott. Og så er det så flott at alle ungdomane er med. Eg har sett alle desse showa opp gjennom åra, og dei blir berre betre og betre. Alle ære til alle, rosar Annemor Flygansvær.

Torodd Nødland frå Tysnebygda er bestefar til ei av tiandeklassingane. Han var på tiandeklasse-show for aller fyrste gong.

– Fantastisk flinke ungdomar, er den fyrste kommentaren hans.

– Dei var veldig flinke til å by på seg sjølve. Dette var veldig bra. Tida har gått som ein røyk, legg han smilande til.


Stolt musikklærar

Strålande nøgd er også musikklærar og showansvarleg Elin Bergesen.

– Eg er stolt og veldig godt nøgd med det elevane leverte. Dei fekk vist eit breidt spekter av innslag, med både sketsjar, dans og musikk, seier Elin når «Tysnes» ber om ein kommentar.

– Programmet flaut veldig bra, med gode overgangar. Dei gav alt på scenen, legg ho til.

Ho synest det er ekstra stas at alle elevane var inkludert i prosjektet, og at dei var flinke å dela på rollene seg imellom. Alle fekk vist seg i ei eller anna rolle.

Alle innslaga gjekk som planlagt. Og etterpå var det mykje klemming på scenen.

– Det var kjempestemning i gruppa etterpå. No gler dei seg til ny framsyning fredag kveld, seier Elin.




DANS: Fleire av programpostane var danseinnslag. Her er det Brita Austvik og Mathias Bakke som framfører 80-tals dans.
DANS: Fleire av programpostane var danseinnslag. Her er det Brita Austvik og Mathias Bakke som framfører 80-tals dans.
80-TALS-JENTER: Dans med kostymer frå 1980-talet.
80-TALS-JENTER: Dans med kostymer frå 1980-talet.
ARTIG INNSLAG: Deltakarane i Olympiasketsjen hausta også mykje applaus.
ARTIG INNSLAG: Deltakarane i Olympiasketsjen hausta også mykje applaus.
POPULÆR: Latter frå salen var det og då turnsketsjen blei framført.
POPULÆR: Latter frå salen var det og då turnsketsjen blei framført.
SKRÅBLIKK: Tysnesnett med Daniel Bjoarvik og Mathias Bakke blei også eit populært innslag med mykje latter frå salen.
SKRÅBLIKK: Tysnesnett med Daniel Bjoarvik og Mathias Bakke blei også eit populært innslag med mykje latter frå salen.
MOTESHOW: Elevane viste seg fram i med mange ulike 80-talsmotar. Her er det Kristine Pettersen Opdal som er på scenen.
MOTESHOW: Elevane viste seg fram i med mange ulike 80-talsmotar. Her er det Kristine Pettersen Opdal som er på scenen.

Siste saker Gå til framsida

Har fått full finansiering

Leiar i Tysnes hundeklubb, Maren Leite, er strålande nøgd med å ha fått full støtte til å kjøpa inn gjerde til hundeparken på Gjerstad.

Lesarbrev: Frå psykososial rehabilitering til eiga stove i desse dagar

Eg fekk den 23.03.2020 avbrote mitt opphald på Røysumtunet rehabiliteringssenter for epilepsi fleire veker før tida på grunn av auka smittefare for koronaviruset. Dei byrja med å senda heim brukarar som nevrologane vurderte som forsvarleg å senda heim fyrst. I dag er den avdelinga stengd inntil vidare.No har eg vore heime ei lita veka, og hovudet mitt er byrja å tetta seg litt med...

Får selja frukt og bakevarar i lausvekt, men ikkje smågodt

I det ekstraordinære formannskapsmøtet tysdag blei den lokale koronaforskrifta om sal av lausvektsvarer endra. No kan butikkane på Tysnes igjen selja frukt og bakevarer utan å pakka dei inn på førehand. Forbodet mot å selja smågodt i lausvekt blir derimot vidareført.– Då me vedtok denne forskrifta, så såg me for oss varer som gjerne var eksponert for smitte. Og så ser me no at me gjerne...