TIL TYSNESFEST: Amerikanske Jason Derulo opptrer på Gjerstad laurdag 11. juli. (Artistfoto)
TIL TYSNESFEST: Amerikanske Jason Derulo opptrer på Gjerstad laurdag 11. juli. (Artistfoto)

Verdsstjerna Jason Derulo med ein av få konsertar i Europa på Tysnes

Amerikanske Jason Derulo blir omtala som ei superstjerne. Til sommaren kjem han til Tysnesfest.
Publisert 23.02.2020 kl. 10.14. Oppdatert kl. 22.23.

– Dette er toppen av kransekaka, skriv Tysnesfest i ei pressemelding.

Når verdsstjerna kjem til Tysnes og Norge til sommaren, blir det for å spela ein av svært få konsertar i Europa. Derulo skal stå på scenen på Gjerstad laurdag 11. juli.

– Laurdagen er allereie full av godbitar. Med Derulo i tillegg blir dette ein heidundrane fin kveld, heiter det i pressemeldinga frå Tysnesfest.


– Stemninga i taket

– Me er enormt stolte av at Jason vel å ta turen til Tysnesfest i sommar, fortel dagleg leiar i Tysnesfest, Øystein Vaage.

Han legg til at stemninga stod i taket på kontoret den dagen dei fekk bekrefta Derulo.

– Tysnesfest 2020 har allereie den feitaste plakaten me nokosinne har hatt. Når Jason Derulo no kjem inn frå sidelinja, så set det verkeleg kruna på verket, seier ein svært nøgd festivalsjef.

Han er ikkje i tvil om at festivalen i år vil bli ein fest utan sidestykke.

– Jason Derulo er ei verdsstjerne som er van til å spela på langt større festivalar. Å få ein artist av slikt kaliber krev mykje planlegging og organisering, ikkje minst av det lokale crewet på produksjonsdagen, seier Vaage.

– Artistar som Derulo vurderer ofte kva me har levert tidlegare. Heldigvis har me eit svært godt mannskap med god erfaring både i backstage, og på lyd, lys og sikkerheit som har hausta gode ord frå både norske og internasjonale artistar gjennom mange år, seier Vaage, som spesielt trekkjer fram då The Prodigy gjesta Tysnesfest i 2018. Det blei lagt merke til i bransjen.


50 millionar singlar

Jason Derulo starta den musikalske karrieren som låtskrivar for Lil Wayne, Pitbull og Diddy. Sidan han begynte å gje ut eigne låtar i 2009, har han selt meir enn 50 millionar singlar, og har fleire milliardar digitale avspelingar.

– Han er no ein av dei mest populære artistane i verda, med monsterhits som Swalla, Goodbye, Whatcha say, Want to want me, Trumpets og Talk Dirty, skriv Tysnesfest i pressemeldinga.Den fyrste singelen Whatcha Say blei den mest spreidde radiosingelen i amerikansk historie.


Mange store artistar

Tysnesfest har så langt lansert mange store namn til festivalen i år:

Torsdag: Hjerteslag, Hellbillies, Bjørn Eidsvåg og Vinskvetten.

Fredag: Highasakite, CC Cowboys, Lemaitre, Isah, EMIR, Anna of The North og Stavangerkameratene.

Laurdag: Jason Derulo (US), TIX, Village People (US) og Kapteinen og car.pool.


Siste saker Gå til framsida

Har fått full finansiering

Leiar i Tysnes hundeklubb, Maren Leite, er strålande nøgd med å ha fått full støtte til å kjøpa inn gjerde til hundeparken på Gjerstad.

Lesarbrev: Frå psykososial rehabilitering til eiga stove i desse dagar

Eg fekk den 23.03.2020 avbrote mitt opphald på Røysumtunet rehabiliteringssenter for epilepsi fleire veker før tida på grunn av auka smittefare for koronaviruset. Dei byrja med å senda heim brukarar som nevrologane vurderte som forsvarleg å senda heim fyrst. I dag er den avdelinga stengd inntil vidare.No har eg vore heime ei lita veka, og hovudet mitt er byrja å tetta seg litt med...

Får selja frukt og bakevarar i lausvekt, men ikkje smågodt

I det ekstraordinære formannskapsmøtet tysdag blei den lokale koronaforskrifta om sal av lausvektsvarer endra. No kan butikkane på Tysnes igjen selja frukt og bakevarer utan å pakka dei inn på førehand. Forbodet mot å selja smågodt i lausvekt blir derimot vidareført.– Då me vedtok denne forskrifta, så såg me for oss varer som gjerne var eksponert for smitte. Og så ser me no at me gjerne...