KARNEVALSSTEMNING: Full fart på avisleiken. Lina Kripaityte-Nordbustad (t.v.) saman med dottera Isabell.
KARNEVALSSTEMNING: Full fart på avisleiken. Lina Kripaityte-Nordbustad (t.v.) saman med dottera Isabell.

Karneval samla både born og vaksne på OnarTun

– Og no blir det avisleiken. Me treng åtte born og åtte vaksne, ropar butikksjef Lea Rehling Qvistgaard utover høgtalaranlegget på OnarTun.
Publisert 24.02.2020 kl. 15.21. Oppdatert 25.02.2020 kl. 10.21.

Det er karnevalsstemning og stor jubel i OnarTun laurdag ettermiddag. Foajéen er full av born og vaksne. Enkelte kosar seg med kaffi og saft og noko attåt, men andre er ivrige deltakarar på dei fantasifulle leikane som Lea og medarbeidarane på Jokerbutikken inviterer publikum med på. Ein del av dei som har teke turen er utkledde med fantasifulle kostyme, andre er innom berre for å sjå på.

– Det blir eitt barn og ein vaksen på kvart lag. Kvar vaksen får ei avis som ein snarast skal setja seg ned på når musikken sluttar å spela, forklarar butikksjefen.

Entusiasmen blant deltakarane er stor, og låtten går høgt. Og publikum jublar.

– Det er kjekt å kle seg ut, seier dei to smilande brørne Simen (7) og Ruben (7) Enes.

Dei er utkledde som Ninja, og er aktivt med på leikane. Dei har vore med på riding. No er dei klare til å kasta seg med på avisleiken.

– Me skal vera her heile tida, seier Simen og Ruben.


I kø for å prøva

I tre timar, frå klokka tolv til tre, var det karnevalsaktivitetar på OnarTun.

– No skal me ha ein ny leik, penn ned i flaske. No treng me fyrst tre vaksne, lyder det frå Lea utover i foajéen.

Kvar deltakar får knytt eit tau rundt magen, med ein penn i på ryggen. Så skal dei prøva å få pennen nedi ei flaske.

Leiken er populær. Etter at det fyrste laget er klare, står borna i kø for å prøva seg.

– Eg klarte å få pennen heilt nedi, seier Isabell Kripaityte-Nordbustad stolt.

– Det er leikane som er kjekkast, seier Karina Sonja Venedikto-Vaite (7).

Innimellom leikane er det ansiktsmåling for dei som ynskjer det.


– Kjekt med karneval

Vilja Marie Sæverud-Mehammer (3) skal bli sommarfugl. Det synest ho er stas.

– Ja, det er kjekt å vera på karneval. Borna likar å kle seg ut, seier mamma Hilde Marie Sæverud-Mehammer.

– Og så er det kjekt når det skjer noko på Onarheim, legg ho til.

Butikksjef Lea er oppteken av at OnarTun skal vera ein samlingsplass for alle.

– Me må gjera ting som er kjekt for borna, men og for vaksne. Og så synest eg sjølv at det er kjekt med karneval, seier ho smilande, iført eit fengslande svart-kvit-stripete kostyme på ein dag som også er hennar eigen bursdag.

– Litt tull og tøys må me ha, legg ho til.

Det er fyrste gongen det er blitt skipa til karneval i lokalet. Det blir truleg ikkje siste gongen. Ho er godt nøgd med oppslutnaden.

– Eigentleg hadde eg håpa at endå fleire vaksne hadde vore med. Det er gøy for borna.

To heldige deltakarar blei trekte ut som vinnarar av kostymekonkurransen, eitt barn og ein vaksen. Dei heldige var: Ava Kleppe Helland (barn) og Lina Kripaityte-Nordbustad.







PÅ KARNEVAL I TRE TIMAR: – Me skal vera med på alt, seier tvillingbrørne Simen (t.v.) og Ruben Enes (7).
PÅ KARNEVAL I TRE TIMAR: – Me skal vera med på alt, seier tvillingbrørne Simen (t.v.) og Ruben Enes (7).
PENN I FLASKE-LEIKEN: F.v. Marcus Barmen Laukhamar, saman med dei to tilsette Trine Barmen Hauge Hansen og Karoline Førdedal Helland.
PENN I FLASKE-LEIKEN: F.v. Marcus Barmen Laukhamar, saman med dei to tilsette Trine Barmen Hauge Hansen og Karoline Førdedal Helland.
FLASKELEIKEN: Alle desse tre fekk også pennen oppi flaska. Frå høgre: Tobias Espevik, Simen Enes og Isabell Kripaityte-Nordbustad.
FLASKELEIKEN: Alle desse tre fekk også pennen oppi flaska. Frå høgre: Tobias Espevik, Simen Enes og Isabell Kripaityte-Nordbustad.
ANSIKTSMÅLING: Vilja Marie Sæverud-Mehammer (3) synest det er stas å bli sommarfugl. Mamma Hilde Marie er også nøgd.
ANSIKTSMÅLING: Vilja Marie Sæverud-Mehammer (3) synest det er stas å bli sommarfugl. Mamma Hilde Marie er også nøgd.
LÅTT OG LØYE: Her er det butikksjef Lea Rehling Quistgaard i fengslande kostyme som får merksemd. Til høgre: Maria Johanne Nedrevåge Røssland. Til venstre: Frida Smith Skaten og Karina Sonja Venedikto-Vaite.
LÅTT OG LØYE: Her er det butikksjef Lea Rehling Quistgaard i fengslande kostyme som får merksemd. Til høgre: Maria Johanne Nedrevåge Røssland. Til venstre: Frida Smith Skaten og Karina Sonja Venedikto-Vaite.
KLEDDE FOR DAGEN: Tilsette på Jokerbutikken hadde også iført seg kostyme. Kjersti Langeland (framme), Anne Britt Onarheim (bak, t.v.) og Ann Helen Helland.
KLEDDE FOR DAGEN: Tilsette på Jokerbutikken hadde også iført seg kostyme. Kjersti Langeland (framme), Anne Britt Onarheim (bak, t.v.) og Ann Helen Helland.
KARNEVALSGJENGEN: Lea, Kjersti, Karoline, Trine, Ann-Helen, Susanne og Anne Britt. (Foto: privat)
KARNEVALSGJENGEN: Lea, Kjersti, Karoline, Trine, Ann-Helen, Susanne og Anne Britt. (Foto: privat)
FULLE AV LIV: Susanne Onarheim og Trine Barmen Hauge Hansen. (Foto: privat)
FULLE AV LIV: Susanne Onarheim og Trine Barmen Hauge Hansen. (Foto: privat)

Siste saker Gå til framsida

Har fått full finansiering

Leiar i Tysnes hundeklubb, Maren Leite, er strålande nøgd med å ha fått full støtte til å kjøpa inn gjerde til hundeparken på Gjerstad.

Lesarbrev: Frå psykososial rehabilitering til eiga stove i desse dagar

Eg fekk den 23.03.2020 avbrote mitt opphald på Røysumtunet rehabiliteringssenter for epilepsi fleire veker før tida på grunn av auka smittefare for koronaviruset. Dei byrja med å senda heim brukarar som nevrologane vurderte som forsvarleg å senda heim fyrst. I dag er den avdelinga stengd inntil vidare.No har eg vore heime ei lita veka, og hovudet mitt er byrja å tetta seg litt med...

Får selja frukt og bakevarar i lausvekt, men ikkje smågodt

I det ekstraordinære formannskapsmøtet tysdag blei den lokale koronaforskrifta om sal av lausvektsvarer endra. No kan butikkane på Tysnes igjen selja frukt og bakevarer utan å pakka dei inn på førehand. Forbodet mot å selja smågodt i lausvekt blir derimot vidareført.– Då me vedtok denne forskrifta, så såg me for oss varer som gjerne var eksponert for smitte. Og så ser me no at me gjerne...