FÅR STORFINT BESØK: På laurdag kjem Eikanger-Bjørsvik Musikklag til Tysnes, for å halda eit musikkseminar for fem skulekorps i Sunnhordland. Dagen vert runda av med konsert i Tysneshallen. (Arkivfoto)
FÅR STORFINT BESØK: På laurdag kjem Eikanger-Bjørsvik Musikklag til Tysnes, for å halda eit musikkseminar for fem skulekorps i Sunnhordland. Dagen vert runda av med konsert i Tysneshallen. (Arkivfoto)

Inviterer til konsert med elitekorps

– Det er litt som om Brann skulle koma på besøk til A-laget på Tysnes, seier dirigent Yngve Nikolaisen.
Publisert 04.03.2020 kl. 06.00.

Førstkomande laurdag vert ein stor dag for Tysnes skulekorps, då dei saman med fire andre korps frå Sunnhordland får besøk av Eikanger-Bjørsvik Musikklag (EBML).

– Det er noko dei gjer årleg. Dei tek seg ein tur i distriktet og øver saman med skulekorps, fortel Yngve.

Eikanger-Bjørsvik Musikklag kjem frå Nordhordland og spelar i elitedivisjonen i korpsverda. Dei er det mestvinnande brassbandet i Norge, og har vunne NM i brass heile 17 gongar.

Yngve fortel at ein han kjenner i EBML tok kontakt og sa at dei hadde sett seg ut Sunnhordland som ein fin destinasjon for det årlege skulekorps-besøket.

– Han lurte på om det då ville vera naturleg å leggja det til Tysnes, og eg sa jo ja, eg då, humrar Yngve nøgd.

På dagtid laurdag skal dei fem skulekorpsa ha eit seminar saman med elitekorpset, før dei inviterer til felles konsert i Tysneshallen seinare på dagen.

– Det er veldig inspirerande for musikantane. Under konserten vert det ulike konstellasjonar etter alder på musikantane, og dei som kjem på konserten får dessutan oppleva Eikanger-Bjørsvik, lokkar dirigenten med.

Dei fire andre korpsa som òg vert med på konserten er Rosendal skulekorps, Sagvåg skulekorps, Fitjar skulekorps og Hillestveit musikkorps frå Bømlo.


Siste saker Gå til framsida

Debatt: Tysnes KrF prioriterer Hordfast

Naturvernforbundet (NVF) på Stord har sendt brev til dei politiske partia i Stord og Tysnes. Dei ber partia gje tilsvar om partia si haldning til Hordfast. Høgre i Tysnes har gjeve eit grundig tilsvar i «Tysnes» 2.4.20. Tysnes KrF sluttar seg i...

Gå Hakkebakkestien på Neshamn

Leitar familien etter ein ny aktivitet? Er alle dei vanlege turstiane oppbrukt? Då kan kanskje Hakkebakkestien til Karianne på Neshamn vera interessant.