MED EIGEN KABARET: Anders Bakke opptrer med eigne viser og sjølvskrivne dikt på Laukhamar laurdag. Her er han primus motor for «Allsongmaratonen» under Tysnesfest i 2018. (Arkivfoto: Ingunn Gjærde)
MED EIGEN KABARET: Anders Bakke opptrer med eigne viser og sjølvskrivne dikt på Laukhamar laurdag. Her er han primus motor for «Allsongmaratonen» under Tysnesfest i 2018. (Arkivfoto: Ingunn Gjærde)

Anders Bakke snakkar med seg sjølv – på Laukhamar

– Det blir litt meir enn berre ein konsert, meir som ein kabaret, seier Anders Bakke.
Publisert 05.03.2020 kl. 18.00.

Laurdag kveld opptrer han på Laukhamar Fritid, i ekte Anders Bakke-stil, nett slik berre han kan. Tittelen på kabareten er «Anders Bakke snakkar med seg sjølv».

Han skal ha gitaren med seg til Laukhamar, men det meste av musikken får han likevel hjelp til. Både Eirik og Endre Hodneland skal vera med.

– Ja, det er gode musikarar eg har med meg. Det er eg veldig glad for, seier han.

I ein times tid eller vel så det har han tenkt å underhalda publikum med sjølvskrivne viser og sjølvlaga dikt. Og så blir det ein del prating om laust og fast innimellom.

– Kanskje litt som ein stand-up-kveld, kommenterer han.

Han vil ta føre seg litt av livet, og då er det naturleg å starta med barndomen.

– Det blir ei framsyning der ting heng saman, ikkje berre ein konsert med lausrivne songar, seier han.

– Blir det overraskingar undervegs?

– Ja, det blir det sikkert. I så fall blir det overraskingar både på meg og publikum, seier han, med glimt i auga.

Han håpar framsyninga blir godt motteken. I så fall vil han byggja det meir ut seinare.

– Å laga ei framsyning basert på mine eigne ting er ein idé og ein draum eg har bore på. Eg føler eg har ein god del som eg har skrive opp gjennom åra. Det som blir vanskeleg er når noko skal veljast vekk, seier Anders.

Det han er mest spent på no, er kor mange som tek turen til Laukhamar for å høyra han.


Siste saker Gå til framsida

Debatt: Tysnes KrF prioriterer Hordfast

Naturvernforbundet (NVF) på Stord har sendt brev til dei politiske partia i Stord og Tysnes. Dei ber partia gje tilsvar om partia si haldning til Hordfast. Høgre i Tysnes har gjeve eit grundig tilsvar i «Tysnes» 2.4.20. Tysnes KrF sluttar seg i...

Gå Hakkebakkestien på Neshamn

Leitar familien etter ein ny aktivitet? Er alle dei vanlege turstiane oppbrukt? Då kan kanskje Hakkebakkestien til Karianne på Neshamn vera interessant.