THE FOREVER YOUNG ONES: Neste fredag blir det Bergen Beat-tonar på Mandelhuset, med mellom anna Sverre Faaberg og Kjell Birkeland.
THE FOREVER YOUNG ONES: Neste fredag blir det Bergen Beat-tonar på Mandelhuset, med mellom anna Sverre Faaberg og Kjell Birkeland.

Bergen Beat-band til Mandelhuset

Fredag 13. mars inntar Bergen Beat scenen på Mandelhuset, med vokalist Sverre Faaberg og bandet The forever Young Ones.
Publisert 05.03.2020 kl. 11.00.

– Me kan lova ein kveld med stor musikalsk spennvidde i låtutvalet, frå Elvis, Cash, J.J. Cale og Chuck Berry for å nemna nokre få, skriv bandet i ei pressemelding.

Vokalist Sverre Faaberg hadde si fyrste stordomstid då ungdomsrestauranten Scala starta opp i 1963. Han og bandet hans The Young Ones hadde spelejobbar her praktisk talt fleire kveldar i veka, i fleire år.

Og i 1964 skjedde det som var alle vestlandsmusikarar sin draum – det blei plateinnspelingar på Scala under logoen Bergen Beat. I perioden april 1964 til juli 1965 spelte Sverre og bandet inn seks singleplater på Phillips-etiketten, og samtlege innspelingar nådde topp 10 på VG-lista. I tillegg blei Sverre kåra til den beste rockekongen i Bergen.

Dagens utgåve av bandet, The Forever Young Ones, består av dyktige musikarar med lang fartstid. Ein av dei mest kjende er Kjell Birkeland (gitar og vokal), som mange sikkert hugsar frå TV-serien Honky Tonk.

Og neste fredag kan du altså oppleva han på Mandelhuset, i lag med fleire andre flinke bandkollegaer.

– Ta med dansefoten, oppmodar bandet.


Siste saker Gå til framsida

Debatt: Tysnes KrF prioriterer Hordfast

Naturvernforbundet (NVF) på Stord har sendt brev til dei politiske partia i Stord og Tysnes. Dei ber partia gje tilsvar om partia si haldning til Hordfast. Høgre i Tysnes har gjeve eit grundig tilsvar i «Tysnes» 2.4.20. Tysnes KrF sluttar seg i...

Gå Hakkebakkestien på Neshamn

Leitar familien etter ein ny aktivitet? Er alle dei vanlege turstiane oppbrukt? Då kan kanskje Hakkebakkestien til Karianne på Neshamn vera interessant.