LITE IMPONERT: «La vera å skamhamstra, slik at det er nok til alle saman», oppmodar Jan Hevrøy instendig. Dette biletet blei teke på Extra i Våge måndag morgon. (Foto: Camilla Korsnes)
LITE IMPONERT: «La vera å skamhamstra, slik at det er nok til alle saman», oppmodar Jan Hevrøy instendig. Dette biletet blei teke på Extra i Våge måndag morgon. (Foto: Camilla Korsnes)

Lesarbrev: Hysterisk mathamstring

Publisert 21.03.2020 kl. 12.00.

No i desse koronatider, ser ein tendens til hysterisk hamstring av mat, hermetikk og andre varer i daglegvarebutikkane. Til de det gjeld: Les de ikkje aviser, eller ser de ikkje fjernsyn, eller andre medium? Kjøpmennene lovar at det er nok mat til alle. Om alle handlar som normalt. Les: Som normalt.

Dei får dagleg inn nye varer som dei fyller i hyllene med. Men ikkje viss sånne hysteriske egoistar som dykk tømmer hyller for varer. Då slit dei med å fylla på. Hønene sluttar ikkje å leggja egg. Og kyrne sluttar ikkje å mjølka på grunn av viruset.

Donald Trump får kritikk avdi han vil prøva å sikra seg fyrsterett til medisinen mot koronaviruset til amerikanarane. Amerika fyrst. De er hon’n ikkje mykje betre. Meg, meg, meg. La vera å skamhamstra, slik at det er nok til alle saman.

Dette er ein fellesdugnad som me må gjennom saman. Og då nyttar det ikkje at nokre hysteriske idiotar stikk av med mat som skal vera til alle. PS: Eg beklagar ikkje ordbruken min. For det er nett det de er. Skjerp dykk.


Siste saker Gå til framsida