NOMINERT: Butikksjef Morten Christensen på Extra blei nominert i Hjemmet si kåring av den mest hyggelege kassadama/mannen i landet.
NOMINERT: Butikksjef Morten Christensen på Extra blei nominert i Hjemmet si kåring av den mest hyggelege kassadama/mannen i landet.

– Eg må jo berre takka den som har nominert meg

Fleire butikktilsette på Tysnes blei nominerte i Hjemmet si kåring av «Norges hyggeligste kassadame eller – mann» i landet.
Publisert 22.03.2020 kl. 06.00.

– Ein set veldig pris på det, fortel Morten Christensen.

Den siste tida har vekebladet Hjemmet hatt ei kåring av den mest hyggelege kassamannen eller kassadama i landet. Kven som helst har hatt høve til å nominera kandidatar til kåringa, og på lista over drygt 2.000 nominerte hamna fem tysnesingar.

Deriblant butikksjefen på Extra i Våge.

– Eg visste ikkje om det, men så var det ein kunde som kom og gratulerte meg med nominasjonen. Då måtte eg kjøpa Hjemmet, forklarar Morten.


Viktig med kundeservice

Han veit ikkje kven som har nominert han, men han synest det er veldig kjekt.

– Eg må jo berre takka den som har nominert meg, seier Morten, som fortel at kundeservice er høgt prioritert i butikken hans.

– Kundebehandling er det viktigaste av alt. Sjølv om det er mange arbeidsoppgåver, skal ein alltid ta seg tid til å hjelpa kundane. Me er ein god gjeng her, og fleire som kunne stått på lista, seier han.


– Ære å bli nominert

I tillegg til butikksjefen på Extra, blei fire tilsette ved Spar i Våge også nominerte i kåringa. Katrine Aarvik Møllerup Skaten, Natalija Berg, Neringa Sauseryte og Emma Frugård står alle på lista i Hjemmet. Dei to sistnemnde synest det er stas å koma med på lista.

– Det er veldig koseleg å bli nominert av kundane, seier Neringa, som får støtte av kollegaen.

– Me må berre takka dei som nominerte oss. Det er ei ære å bli nominert, avsluttar Emma.

Blant dei drygt 2.000 nominerte i landet blei det plukka ut 18 finalekandidatar. Det var dessverre ingen tysnesinger som kom gjennom det nålauga.


Siste saker Gå til framsida

Lesarbrev: Frå psykososial rehabilitering til eiga stove i desse dagar

Eg fekk den 23.03.2020 avbrote mitt opphald på Røysumtunet rehabiliteringssenter for epilepsi fleire veker før tida på grunn av auka smittefare for koronaviruset. Dei byrja med å senda heim brukarar som nevrologane vurderte som forsvarleg å senda heim fyrst. I dag er den avdelinga stengd inntil vidare.No har eg vore heime ei lita veka, og hovudet mitt er byrja å tetta seg litt med...

Får selja frukt og bakevarar i lausvekt, men ikkje smågodt

I det ekstraordinære formannskapsmøtet tysdag blei den lokale koronaforskrifta om sal av lausvektsvarer endra. No kan butikkane på Tysnes igjen selja frukt og bakevarer utan å pakka dei inn på førehand. Forbodet mot å selja smågodt i lausvekt blir derimot vidareført.– Då me vedtok denne forskrifta, så såg me for oss varer som gjerne var eksponert for smitte. Og så ser me no at me gjerne...

Rentekutt frå 8. april

Tysnes Sparebank set ned renta på utlån med inntil 0,6 prosentpoeng. For eksisterande kundar gjeld ny rente frå 8. april 2020.