STADIG AKTUELL: Ingelin Røssland kjem straks ut med ei ny faktabok for born. Her frå bokfesten på Tysnes folkebibliotek i fjor. (Arkivfoto)
STADIG AKTUELL: Ingelin Røssland kjem straks ut med ei ny faktabok for born. Her frå bokfesten på Tysnes folkebibliotek i fjor. (Arkivfoto)

Gladmelding til Ingelin Røssland

Publisert 24.03.2020 kl. 15.26.

Forfattaren frå Tysnes er av staten og Norske barne- og ungdomsbokforfattere (NBU) tildelt 80.000 kroner i såkalla diversestipend. Det blei klart i dag, tysdag.

– Veldig kjekt å få stipend, både pengane og det klappet det er på skuldra, seier Ingelin Røssland til lokalavisa ho ein gong jobba i.

Ifølgje ho går desse stipenda berre til forfattarar som er aktive og leverer bøker på eit visst kvalitetsnivå. I fjor fekk ho det som heiter arbeidsstipend, og ho hadde i grunnen ikkje forventa å få noko i år.

– No blir eg ekstra motivert og forplikta til å skriva så godt eg kan, seier den Sverige-busette tysnesingen.

I slutten av denne månaden gir ho ut «Falske fakta», ei bok i same serie som «Hårete fakta» og «Blodige fakta». Deretter ventar eit nytt prosjekt:

– Planen er å skriva ei bok som startar med ein brann på eit gardsbruk. Det skal handla om ei jente og ein gut som begge lyg, og eit uventa vennskap som resultat av det heile, røpar Røssland.

Ho håpar å ha boka ferdig til 2021.


Siste saker Gå til framsida

Frå psykososial rehabilitering til eiga stove i desse dagar

Eg fekk den 23.03.2020 avbrote mitt opphald på Røysumtunet rehabiliteringssenter for epilepsi fleire veker før tida på grunn av auka smittefare for koronaviruset. Dei byrja med å senda heim brukarar som nevrologane vurderte som forsvarleg å senda heim fyrst. I dag er den avdelinga stengd inntil vidare.No har eg vore heime ei lita veka, og hovudet mitt er byrja å tetta seg litt med...

Rentekutt frå 8. april

Tysnes Sparebank set ned renta på utlån med inntil 0,6 prosentpoeng. For eksisterande kundar gjeld ny rente frå 8. april 2020.