DIGITAL QUIZ: Tilbakemeldingane har vore svært gode etter at Patrick Madsen trødde eit steg utanfor komfortsona og inviterte til online-quiz. (Skjermdump)
DIGITAL QUIZ: Tilbakemeldingane har vore svært gode etter at Patrick Madsen trødde eit steg utanfor komfortsona og inviterte til online-quiz. (Skjermdump)

Patrick sprita opp laurdagskvelden

Medan korona-viruset herjar, blomstrar kreativiteten hos mange. I helga kunne ein vera med på Mandelhuset sin fyrste online-quiz.
Publisert 24.03.2020 kl. 12.42. Oppdatert kl. 12.43.

– Det fyrste minuttet var litt rart, men så var det berre å gå inn i rolla og gje gass, seier dagleg leiar på Mandelhuset, Patrick Madsen.

Han hadde fått innspel frå fleire om å laga til ein digital quiz, og laurdag kveld kasta han seg ut i det. Å sitja og snakka til mange folk utan å sjå dei er ikkje noko han gjer kvar dag, men no veit han i alle fall korleis YouTube-kjendisane har det.

– All ære til dei, humrar Madsen.

I om lag ein og ein halv time serverte han quiz og vittige kommentarar på direktesendt video på Facebook, og interessa var over all forventning. På det meste var det ca 180 sjåarar, og då må ein ha i mente at ein del hadde benka seg framfor skjermen saman med andre.


Internasjonal merksemd

Etter kvart som Madsen las opp spørsmåla, kunne folk svara i eit Google Forms-dokument. Det kom inn nærmare 70 svar, men for somme var nok det å høyra på Patrick vel så viktig som å delta i quizen. Det formeleg hagla inn med fine kommentarar til quiz-verten undervegs.

– Det var veldig kjekt. Eg koste meg. Det er enkelt når det er slik, seier han.

Ekstra stas var det å ha stor geografisk oppslutnad. Madsen hadde mellom anna tilskodarar frå Trondheim, Oslo, Austevoll, Stavanger, USA og Irland.

– Men eg veit ikkje om dei forstod så mykje, ler Patrick, og refererer til slektningane sine i Irland.


Pengar i kassen

Mandelhuset er som kjent stengt på grunn av koronakrisa, og det tærer på økonomien. Madsen hadde difor eit håp om at quiz-deltakarane ville vippsa ein slant, og det var det mange som gjorde.

– Folk var veldig rause. Eg blei litt rørt, det kom inn meir enn eg forventa, fortel ein audmjuk Madsen.

Trass litt tekniske utfordringar blei det heile ein suksess, og Madsen ser ikkje vekk frå at det kan bli fleire online-quizar.

– Men det avheng litt av korleis samfunnar utviklar seg no framover, sluttar han.


TEAM SAUABAKKANE: Blant dei som kosa seg med ein litt annleis quiz laurdag kveld var vennepara Marit Kristin Hovdenes og Allan Kristiansen, Kristine og Lars Trane, og Else Marit Særsten og Kato Stien. Dei sat på FaceTime i kvar sine hus. (Foto: Privat)
TEAM SAUABAKKANE: Blant dei som kosa seg med ein litt annleis quiz laurdag kveld var vennepara Marit Kristin Hovdenes og Allan Kristiansen, Kristine og Lars Trane, og Else Marit Særsten og Kato Stien. Dei sat på FaceTime i kvar sine hus. (Foto: Privat)

Siste saker Gå til framsida

Rentekutt frå 8. april

Tysnes Sparebank set ned renta på utlån med inntil 0,6 prosentpoeng. For eksisterande kundar gjeld ny rente frå 8. april 2020.

Lesarinnlegg angåande dette koronaviruset

Synest det blir i mestelaget med «skremselspropaganda» no for tida. Eg er så gamal at eg hugsar kor klok den gamle kyrkjebøna var: «Fri oss frå pest og hunger. Gje oss godt og tenleg vêr. Fri oss frå ein vond og brå død. Vêr hos dei som strir med døden. Men så fann dei på at me behøvde ikkje be om det, for penicillinet var kome, og den drepte alle bakteriar. Ja, straks etter dei forandra på...