VANN FARGEKONKURRANSE: Bjørg Helen Bjørkelund frå Reksteren vann ein nasjonal fargekonkurranse i regi av Happy Homes. Dagleg leiar på den lokale målarbutikken, Lars Petter Epland, synest det er stas at det blei ein vinnar frå Tysnes.
VANN FARGEKONKURRANSE: Bjørg Helen Bjørkelund frå Reksteren vann ein nasjonal fargekonkurranse i regi av Happy Homes. Dagleg leiar på den lokale målarbutikken, Lars Petter Epland, synest det er stas at det blei ein vinnar frå Tysnes.

Bjørg Helen vann nasjonal fargekonkurranse

Bjørg Helen Bjørkelund frå Reksteren blei i dag trekt ut som vinnar i ein nasjonal fargekonkurranse. «Tysnes» var med då premien blei overrekt i Våge.
Publisert 25.03.2020 kl. 15.52. Oppdatert kl. 16.02.

Premien har ein verdi på 24.000 kroner fordelt på måling, vinylgolv, tapet og målarverkty.

– Eg har ikkje bestemt meg enno for kva det skal brukast til, men det må bli til fornying i heimen, seier ein glad vinnar.

Det er tredje året Happy Homes arrangerer ein fargekonkurranse. Lokale deltakarar kunne putta deltakarkortet i ein kasse på Tysnes Blomster og Interiør i Våge.

Dei som deltok skulle kryssa av for kva farge dei likte best av åtte ulike fargar. Bjørg Helen hadde kryssa av for akeleie.

Konkurransen er i regi av Happy Homes-kjeda, og gjeld for butikkar i heile Norge.

Dagleg leiar i Tysnes Blomster og Interiør, Lars Petter Epland, fortel at det kom inn 15 forslag frå Tysnes. Andrepremien gjekk også til ein deltakar frå Vestlandet, frå Askvoll.

– Hovudpremien blei trekt i dag. I tillegg er det blitt trekt ut mindre premiar kvar fredag tidlegare i mars, fortel Lars Petter Epland.

Det er tredje året på rad at fargekjeda arrangerer denne type konkurransar. For to år sidan blei det også ein vinnar frå Tysnes.


Siste saker Gå til framsida

Lesarbrev: Frå psykososial rehabilitering til eiga stove i desse dagar

Eg fekk den 23.03.2020 avbrote mitt opphald på Røysumtunet rehabiliteringssenter for epilepsi fleire veker før tida på grunn av auka smittefare for koronaviruset. Dei byrja med å senda heim brukarar som nevrologane vurderte som forsvarleg å senda heim fyrst. I dag er den avdelinga stengd inntil vidare.No har eg vore heime ei lita veka, og hovudet mitt er byrja å tetta seg litt med...

Får selja frukt og bakevarar i lausvekt, men ikkje smågodt

I det ekstraordinære formannskapsmøtet tysdag blei den lokale koronaforskrifta om sal av lausvektsvarer endra. No kan butikkane på Tysnes igjen selja frukt og bakevarer utan å pakka dei inn på førehand. Forbodet mot å selja smågodt i lausvekt blir derimot vidareført.– Då me vedtok denne forskrifta, så såg me for oss varer som gjerne var eksponert for smitte. Og så ser me no at me gjerne...

Rentekutt frå 8. april

Tysnes Sparebank set ned renta på utlån med inntil 0,6 prosentpoeng. For eksisterande kundar gjeld ny rente frå 8. april 2020.