Ny handy mobil lettar arbeidet

Eit nytt mobilsystem forenklar jobbkvardagen for pleie- og omsorgstilsette.

Eit nytt digitalt mobilsystem lettar, kvalitetssikrar og effektiviserer arbeidskvardagen for pleie- og omsorgstilsette i Tysnes kommune.

Funksjonsrik

Tilsette i heimesjukepleien, open omsorg og psykisk helseteneste tok systemet i bruk i desember.I det nye mobilsystemet ligg arbeidslister, pleieplanar, medisinkort og annan relevant informasjon om pasienten.

– Hendig verkty

 – Dette er eit utruleg hendig verkty for oss som jobbar ute i felten. Den nye mobilløysinga gjer reisetida kortare, kvaliteten på registreringa betre, og me rekk over fleire pasientar på kvar vakt, seier Therece Bratland, avdelingsleiar i heimesjukepleien i Tysnes.