Dølvik kjem i sin rapport med fem ulike strategiar for at Tysnes skal bli ein god buplass.

Han har i rapporten slått fast at det årleg er over hundre personar som flyttar inn eller ut av Tysnes.
Dølvik meiner det bør vera mogeleg å få minst 15 av desse som nye innbyggjarar årleg.
Det vil i så fall gje ein folketal på 3.100 i 2030.

Strategiane som Dølvik har trekt opp er i korte trekk at Våge må utviklast som eit tydeleg senter for kommunen, men ein må og oppretthalda levande bygder for å få vekst. Som døme nemnde han både Reksteren, Onarheim og i Lunde. Det må det leggjast tydelege premissar på. Ein må satsa på høg kvalitet på kommunale tenester. Samfedsle er likevel nøkkelen for Tysnes. Det må vera gode vegar slik at det er attraktvit å pendla. Det må setjast i verk tiltak for tilflytting.