– Alarmen vart utløyst klokka 03.55, seier dagleg leiar Øyvind Hjertaker.

Var raskt framme på staden
Når alarmen går, har han automatisk varsling på mobiltelefonen. Sidan han ikkje bur så langt frå bilsenteret, var han difor raskt framme på staden.

– Eg kunne ikkje sjå nokon, og møtte heller ingen bilar på vegen, forklarar Hjertaker.
Truleg har dei som prøvde å bryta seg inn, vorte skremd av alarmen som byrja å ula.

Øydela lås og dør
Tjuven eller tjuvane fekk ikkje noko med seg under innbrotsforsøket, men det vart gjort skadar på døra.

– Trasig at slikt skjer. Det er tydeleg at dei har vore på jakt etter noko, og at dei har stukke kjapt frå staden, meiner han.
Framleis ser ein spor i dørkarmen etter innbrotsforsøket.
Hos politiet opplyser dei at innbrotsforsøket vert etterforska på vanleg måte.