Onsdag morgon kunne ein måla minus 22 grader i Uggdalsdalen. Faktisk kunne ein måla minus 22 også eit stykke ut på føremiddagen.
Men onsdag kveld var det endå kaldare.

Då underteikna forlet redaksjonslokala i "Tysnes" i 18.30-tida onsdag kveld, viste temperaturmålaren på bilen minus 19 grader då eg passerte sjukeheimen. Vidare oppover dalen vart det straks både minus 20 og minus 21. Då eg passerte avkøyringa til Asbjørn Opdal, viste gradestokken minus 23. Og i området mellom avkøyringa til Per Vermedal og Kåre Kopren seig gradestokken ned på minus 24.

Ole Skaten