Ferjelemmen i Våge skal utvidast før den nye gassferja skal inn i sambandet 1. januar neste år.

Vil auka

– Det er vel ganske klart at trafikkmengda vil auka med åra. Det synest også klart at ferjetrafikken vil gå over Våge i mange år. Kan kommunen unngå krav om større kapasitet på trafikkavviklinga, og korleis kan eventuelt fleire køyrefelt kombinerast med ei miljøgate slik stadanalysen for Våge legg opp til, spør Rekve i saksutgreiinga til formannskapet.

Det er kommunen som vil vera planmynde for ei utviding med fleire køyrefelt på kaien.

– For kommunen sin del vert det spørsmål om kor vidt ein kan akseptera den køen som er i Våge i dag, særleg i helgene, kommenterer Rekve og held fram;

– Alle trafikkprognosar peikar oppover og alt tyder på at køen vil auka.

På kommunen sin banehalvdel

Plansjefen legg til at «ballen er på kommunen sin banehalvdel» når det gjeld eventuelt nye køyrefelt, og at det er opp til politikarane og ta ei slik utviding med i reguleringsplanen for Våge som no er under utarbeiding.