Drosjesjåfør Elin Borgen fortel at drosjebussen til Onarheim Taxi såvidt "ålte" seg forbi steinen.

– Det er skarpe kantar på steinen, men det gjekk så vidt å koma forbi utan å øydeleggja dekka, seier Borgen.

Det var Bjørn Magne Haugland som oppdaga steinraset kring 06.45 i dag, og som melde frå.
Haugland seier til "Tysnes" at det er mykje råtafjell i området som burde vore fjerna for lengst.
Han opplyser at det har gått mange mindre ras med småstein tidlegare.