8.000 oppdrettslaks på rømmen
8.800 oppdrettslaks er på rømmen i Kvinnherad. Uhellet skjedde i går kveld hos slakteriet Viking Fjord på Sunde. Organisert gjenfiske vart starta omgåande.
Det er Alsaker Fjordbruk som eig slakteriet på Sunde.
Publisert av Ole Skaten
07. juli, 2010 kl. 08:00:31
Ove Gjerde er prosjektleiar i Alsaker-konsernet. Han fortel at uhellet skjedde i samband med legging av ny inntaksleidning.
– Ein ventemer med slaktelaks vart skada av inntaksleidningen. Det førte til at laksen rømte, forklarar Gjerde.
Den rømte oppdrettslaksen har ei snittvekt på 5,5 kilo. Fisken er sjukdomsfri.
Uhellet skjedde klokka 18.05. Klokka 18.50 var dei fyrste garna i sjøen for gjenfangst. Totalt er det sett ut kring 200 garn.
Klikk på biletet for større versjon.
Nyhende
