Trass auken i talet på båtar ved kaianlegget, er det framleis god plass. Tysnesfest har rigga til slik at dei har kapasitet til å ta imot over 360 båtar.
Hege Sørfonn og Monica Waage har begge teke turen med båten frå Fitjar til Tysnes. Begge skal på Tysnesfest 2010 med familien. Medan Monica har lege ved kaien i Våge sidan Tysnescup, la Hege til kai i går. Dette er tredje gongen ho vitjar Tysnesfest, medan Monica har vore på festivalen ein gong tidlegare.
- For ungane er det Donkeyboys som er dei store heltane, så den konserten skal me i alle fall på, fortel Hege. Begge familiane har planar om å bli verande på øya til søndag før dei dreg vidare med båten.