Det var klokka 21.19 fredag kveld politiet fekk melding om ein robåt som hadde problem i den sterke vinden utanfor Årbakka. Politiet vart då varsla om at det var snakk om båtpromille.

Ved Hordaland politikammer får «Tysnes» opplyst at Hovudredningssentralen vart kontakta utan at det vart sett i verk noko aksjon derifrå.
Vakthavande på Tysnes vart tilkalla. Dei følgde robåten via kikkert. Robåten bevegde seg sakte mot land og nådde Onarheimslandet klokka 23.00.
– Politiet kunne då registrera at det var to edru personar ombord, og at den tredje ombord ikkje var edru, opplyser vakthavande ved Hordaland politikammer.
Det eigentlege problemet var høge bølgjer og ikkje båtpromille som tipset fyrst gjekk ut på.
Dei tre i båten blei formant av politiet at ein ikkje bør dra ut på sjøen i så høge bølgjer og så sterk vind som det var fredag kveld.