Då sluttspela starta klokka tolv i dag, var det overskya og varmt, men utover dagen titta sola fram med jamne mellomrom. Bana på Reiso var delt inn i tre, slik at effektiviteten skulle vera størst mogeleg. Likevel gjekk det i eitt fram til klokka nærma seg halv sju. Då vart siste finalen, mellom FC Galanten og Zlatan’s Artister, avgjord med straffekonkurranse, og Zlatan’s Artister vann til slutt.

Artig helg
Morten Øvrebø var ein av dei som hadde teke turen til grasbanen på Reiso i dag.
-Eg er vel kanskje litt lettlurt. Karane på jobben spurde meg om eg ikkje ville vera med å spela på cupen, og no er eg her, ler osingen som spelar på laget ”Nesten Old Boys”. Dette er fyrste gongen han er med som spelar. Derimot har han tidlegare både høyrt vene ord, og vore tilskodar, på Tysnes Sparebank Cup.
-Det har vore ei artig helg. Vêret har vore flott, og folk har vore positive. No når helga er over, sit eg utan tvil att med eit godt inntrykk, fortel Øvrebø. Smilande legg han til at dette er fyrste, men ikkje siste gong han deltek på Tysnes Cup.

Resultatliste for innleiande kampar 4. juni.

Resultatliste for sluttspela 5. juni.