- Dette har vore heilt fantastisk, smiler Sigvard Madsen nøgd etter at ei hektisk festivalhelg no er over. Han og resten av Tysnesfest-gjengen har med ein hærskare av arbeidsviljuge dugnadsarbeidarar i ryggen, klart det få trudde var mogeleg.
12.500
Torsdag var det nesten 2.400 tilskodarar på konserten med ORBO & the Longshots og Hallelujah-gutane. Fredag høyrte mellom 500 og 1.000 på konserten til Jazzendgutane, Red Hot Cherry Poppers og Surferosa. Då hovudkonserten med Rita Eriksen, Moving Oos og Vassendgutane gjekk av stabelen på laurdag, var det over 3000 tilhøyrarar på skuleplassen i Våge. Desse tala, og oppslutnaden på alle dei andre arrangementa i helga, gjev grunnlaget for det estimerte besøkstalet på 12.500.
Utruleg takksam
- Folk verkar nøgde med festivalen. Eg håper me gav folk det dei var ute etter. Me er utruleg takksame overfor alle som har jobba dugnad i samband med festivalen. Dei har gjort ein fantastisk jobb. Utan dei hadde dette vore ei umogeleg oppgåve, avsluttar Madsen.