Nyhende
Dersom ein ser på statistikken over stønad til organisasjonar på Tysnes gjennom Grasrotandelen, kan det nesten sjå ut som om Arve Belt og Tysnes Musikklag har blåse ein lang marsj å oppmoda folk om å støtta dei. Kr. 0,- frå Grasrotandelen har til no hamna i korpskassa.
23. juli, 2009 kl. 11:27:45Det er fjorten lag på Tysnes som er tilknytt grasrotandelen. Dei som tippar vel sjølv kva lag dei ynskjer å støtta. Når dette er gjort, går fem prosent av det ein spelar for til det utvalde laget.
Det er Njardar/Tysnes og Lundegrend Idrettslag som har tent mest på Grasrotandelen. Dei har til no motteke 20.700 og 18.300 kroner. Registreringa av speling tok til fyrste januar i år. Det er no 80 spelarar som støttar Njardar/Tysnes og 53 som støttar Lundegrend IL. Sidan fyrste januar er det delt ut 65.739 kroner som har blitt fordelt på dei ulike tysnesorganisasjonane.
I andre enden av grasrotlista ligg Tysnes Husflidlag med ein registrert spelar, og Tysnes Musikklag utan nokre registrerte spelarar.
- Grasrotandelen er ei veldig bra ordning. Det er utruleg viktig for oss som skal drifta klubben at me får desse midlane, fortel Per Vermedal, leiar i Njardar/Tysnes.
