Dette er niande året Reidun og Magne Skartveit husar stemnet i familiehuset på Skartveit.
Arne Lindekleiv, kyrkjeverje i Kvinnherad og dagleg leiar i Indremisjonssamskipnaden var talar, og fitjarbuarane Lars K. Vik og Kjell Haukefær stod for det musikalske.
Stemnet vart delt i to, med servering av kaffi og kaker i mellom.
- Det er kjekt her på stemnet. Eg kan anten sitja inne i ei av stovene, eller så kan eg gå opp på lemen og høyra snakkinga og songen frå etasjen under, fortel Robert Elgsås (11) nøgd i kakepausen.