Grunnmuren til bingen vart støypt tidlegare i sommar. I går vart dekket på banen lagt, og vegger vart montert.
- Me har sagt til Lunde skule at elevane kan nytta bingen i stor-friminuttet. Det er framleis litt sveising som står att, men bingen er heilt trygg slik han står no, fortel Per Ingolf Økland i Lundegrend IL. Det er idrettslaget og bygdelaget i Lunde som har teke initiativet til å byggja bingen.
Den resterande sveisinga skal takast i løpet av dagen. Bingen er allereie heilskrudd. Sjølv om elevane har fått lov til å nytta bingen, avslører Økland at det vil bli ei offisiell opning av den nye ballbingen seinare.